Pagtabang Sama ni Jesus
Si Jesus Mipakaon sa Gigutom
Usa ka adlaw si Jesukristo nagtudlo og usa ka grupo nga sobra sa 5,000 ka katawhan. Dihang nadugay na, gusto sa mga disipulo nga papaulion ang mga tawo aron makakaon. Si Jesus dili gusto nga mobiya sila. Siya ganahan nga mopakaon kanila. Apan duna silay lima lang ka tinapay ug duha ka isda.
Si Jesus mipanalangin sa pagkaon. Dayon ang mga disipulo miapud-apod niini ngadto sa mga katawhan. Ang tanan adunay igo nga pagkaon. Usa kadto ka milagro!
Usa ka grupo sa batang mga lalaki sa Utah, USA, miorganisar og usa ka kalihokan sa pagkolekta og mga medyas aron itabang sa lokal nga mga organisasyon sa kalooy nga nagserbisyo sa mga tawo nga walay mga panimalay. Mihatod sila og mga pahibalo. Dayon human sa pipila ka adlaw, nakakolekta sila og mga medyas ug kwarta aron ipalit og dugang pa nga mga medyas. Sila nakahimo sa paghatag og 750 ka paresan nga medyas!
Paghulagway ni Harry Anderson