Mga Istorya sa Kasulatan
Ruth ug Naomi
Si Naomi ug ang iyang pamilya miadto sa usa ka bag-o nga dapit tungod sa panahon sa tinggutom. Nahimamat nila ang usa ka batan-ong babaye nga ginganlan og Ruth. Naminyo si Ruth sa anak nga lalaki ni Naomi.
Unya ang bana ni Ruth namatay. Naguol kaayo si Ruth.
Naguol usab kaayo si Naomi. Nakadesisyon siya nga mobalik sa yuta nga iyang gigikanan.
Gisultihan ni Naomi si Ruth nga mobalik sa iyang pamilya. Apan gihigugma ni Ruth si Naomi. Misaad siya nga mokuyog ni Naomi ug moatiman kaniya.
Kabos si Ruth ug Naomi. Mao nga mitrabaho og maayo si Ruth aron makakita og pagkaon alang nila.
Usa ka adlaw adunay lalaki nga ginganlan og Boas ang nakakita ni Ruth nga nanghagdaw og sobra nga lugas sa usa sa iyang mga uma.
Maloloy-on si Boas. Giingnan niya ang iyang mga mangangani nga magbilin og sobra nga pagkaon alang ni Ruth.
Wala madugay nagminyo si Ruth ug Boas. Sila adunay usa ka masuso nga batang lalaki. Mitabang si Naomi sa pag-atiman sa bata.
Ako makatabang sa pag-atiman sa uban. Ako mahimong maloloy-on niadtong nanginahanglan.
Mga paghulagway pinaagi ni Apryl Stott