Matinabangong mga Kamot sa tibuok Kalibotan

Ilailaha si Septream gikan sa Cambodia

Ilailaha ang mga bata sa Primary nga nagtabang sa uban, sama sa gibuhat ni Jesus.

Tanan mahitungod ni Septream

Edad: 12

Gikan sa: Phnom Penh, Cambodia

Mga Pinulongan: Khmer, English

Mga tumong ug mga damgo: 1) Motabang sa Cambodia nga mahimong mas maayo nga nasod inig dako nako. 2) Moserbisyo og usa ka misyon. 3) Moadto sa templo.

Pamilya: Septream, Mama, Papa, duha ka igsoong babaye, usa ka igsoong lalaki

Ang Matinabangong mga Kamot ni Septream

Si Septream nag-eskwela ngadto sa usa ka dako nga siyudad. Usahay didto sa eskwelahan makakita siya og mga higala nga gamay ra og pagkaon. Mao nga iyang gipakigbahin ang iyang snacks ug paniudto ngadto nila. Si Septream miingon nga ang pagtabang sa uban nakahatag niya og maayong pagbati. “Kini nakadasig nako sa pagbuhat pa og dugang. Mobati ko og kalipay kon nagsunod ko ni Jesus,” siya miingon.

Si Septream miingon nga mapanalanginan kita kon moserbisyo kita sa uban. “Kon mohimo ta og usa ka butang nga maayo, ang Dios manalangin nato. Si Jesus miingon nga ang pagbuhat og maayong mga butang alang sa ubang tawo parehas ra sa pagbuhat og maayong mga butang alang Kaniya.”

Mga Paborito ni Septream

Istorya mahitungod ni Jesus: Sa dihang Iyang gitabangan si Pedro sa paglakaw sa tubig

Dapit: Panimalay

Awit sa Primary: “Ako Anak sa Dios” (Songbook sa mga Bata, 2–3)

Pagkaon: Amok (isda nga giluto nga giputos og dahon sa saging)

Kolor: Asul

Mga Subject sa Eskwelahan: English ug kasaysayan

Si Septream misunod ni Jesus pinaagi sa pagpakigbahin ngadto sa uban. Paklia ang pahina aron basahon ang usa ka istorya kon giunsa ni Jesus sa pagpakaon ang gigutom.

Apil sa Pundok sa Matinabangon nga mga Kamot!

Kon kamo moserbisyo sa uban, sakop kamo sa Pundok sa Matinabangon nga mga Kamot! Kinsa ang inyong serbisyohan?

Mga paghulagway pinaagi ni Liza Hunt