Pagtulong na Tulad ni Jesus

Ipinangako sa Atin ni Jesus na Papanatagin Niya Tayo

Alam ni Jesucristo na kakailanganin ng Kanyang mga disipulo ang kapanatagan pagkatapos Niyang mamatay. Kaya tinuruan Niya sila tungkol sa Espiritu Santo. Nangako siya na papanatagin sila ng Espiritu Santo at palagi silang sasamahan. Ang isang pangalan para sa Espiritu Santo ay ang Mang-aaliw. Kapag tayo ay nalulungkot o natatakot, matutulungan tayo ng Espiritu Santo na alalahanin ang pagmamahal ni Jesucristo.

Mababasa mo ang kuwentong ito sa Juan 14:1, 16–18, 26.

Kaya Kong Panatagin ang Iba

• Sino ang isang taong nangangailangan ng kapanatagan?

• Manalangin at magplano na tulungan sila.

• Gawin ang plano mo!

• Gupitin ang kard na ito para maalala mong patuloy na tumulong na tulad ni Jesus.

Nagbigay kami ng nanay at tatay ko ng mga kumot sa isang ospital para sa mga bata. Sinabi ng mga manggagawa sa ospital na makatutulong ang mga kumot upang hindi na matakot ang mga bata. Natutuwa ako na makatutulong ang mga kumot na ibinigay namin na pasayahin ang mga bata. Masaya rin ako dahil dito!

Brooklyn D., edad 9, Texas, USA

Paano mo sinisikap na tulungan ang iba, tulad ng ginawa ni Jesus? Sumulat at ikuwento sa amin.

Paglalarawan ni Tiziana Longo