ការជួយដូចជាព្រះយេស៊ូវ
ព្រះយេស៊ូវបានសន្យាថានឹងប្រទានការលួងលោមដល់យើង
ព្រះយេស៊ូវគ្រីស្ទបានដឹងថា ពួកសិស្សរបស់ទ្រង់នឹងត្រូវការការលួងលោមក្រោយពេលទ្រង់សុគតទៅ ។ ដូច្នេះ ទ្រង់បានបង្រៀនពួកគេអំពីព្រះវិញ្ញាណបរិសុទ្ធ ។ ទ្រង់បានសន្យាថា ព្រះវិញ្ញាណបរិសុទ្ធនឹងលួងលោមដល់ពួកគេ ហើយគង់នៅជាមួយពួកគេជានិច្ច ។ ព្រះនាមមួយរបស់ព្រះវិញ្ញាណបរិសុទ្ធគឺអង្គលួងលោមចិត្ត ។ នៅពេលយើងសោកសៅ ឬភ័យខ្លាច នោះព្រះវិញ្ញាណបរិសុទ្ធអាចជួយយើងឲ្យចងចាំនូវសេចក្ដីស្រឡាញ់របស់ព្រះយេស៊ូវគ្រីស្ទបាន ។
ម្តាយរបស់ខ្ញុំ ឪពុកខ្ញុំ និងខ្ញុំបានឲ្យភួយទៅកាន់មន្ទីរពេទ្យកុមារមួយកន្លែង ។ បុគ្គលិកមន្ទីរពេទ្យបាននិយាយថា ភួយទាំងនេះនឹងជួយកុមារមិនឲ្យមានអារម្មណ៍ភ័យខ្លាចទៀតឡើយ ។ ខ្ញុំសប្បាយចិត្តដែលភួយរបស់យើងនឹងជួយលើកទឹកចិត្តក្មេងៗ ហើយធ្វើឲ្យពួកគេសប្បាយចិត្ត ។ វាបានធ្វើឲ្យខ្ញុំមានអារម្មណ៍សប្បាយរីករាយផងដែរ ។
ប៊្រុគ្លីន ឌី អាយុ ៩ ឆ្នាំ រដ្ឋតិចសាស ស.រ.អា.
រចនារូបភាពដោយ ធីហ្សីយ៉ាណា ឡងហ្គោ