ដៃជំនួយនៅជុំវិញពិភពលោក
ជួបជាមួយ ចារុំ មកពីប្រទេសម៉ិកស៊ិក
សូមជួបកុមារអង្គការបឋមសិក្សាដែលកំពុងជួយអ្នកដទៃ ដូចដែលព្រះគ្រីស្ទបានធ្វើ ។
រឿងលម្អិតអំពី ចារុំ
អាយុ ៖ ១០ ឆ្នាំ
មកពី ៖ ទីក្រុងម៉ិកស៊ិក ប្រទេសម៉ិកស៊ិក
ភាសា ៖ អេស្ប៉ាញ
គោលដៅ និងក្ដីសុបិន ៖ ១) ក្លាយជាពេទ្យសត្វ ឬគ្រូពេទ្យចិត្តសាស្ដ្រ ។ ២) គូររូបភាពស្អាតៗ ។ ៣) ប្រព្រឹត្តទៅលើអ្នកដទៃដោយការគោរព និងសណ្ដានចិត្តល្អ ។
គ្រួសារ ៖ ចារុំ ម្ដាយ ឪពុក បងប្អូនប្រុសពីរនាក់
ដៃជំនួយរបស់ ចារុំ
ចារុំ មានឆ្កែតូចៗបីក្បាល ។ ការងារមួយរបស់គាត់គឺត្រូវឲ្យចំណីឆ្កែជារៀងរាល់ថ្ងៃ ។ គាត់ស្រឡាញ់ឆ្កែទាំងនោះខ្លាំងណាស់ ។ ចារុំគឺជាមនុស្សពូកែស្តាប់ និងជាអ្នកផ្សព្វផ្សាយសាសនាដ៏ល្អម្នាក់ផងដែរ ។ នៅពេលគាត់ដឹងថា ជីតារបស់មិត្តគាត់ស្លាប់ ចារុំបានទូរសព្ទទៅមិត្តរបស់គាត់ ។ ចារុំបានស្តាប់គាត់ ។ ចារុំក៏បានលួងលោមគាត់ និងបានប្រាប់គាត់អំពីផែនការរបស់ព្រះវរបិតាសួគ៌សម្រាប់យើងផងដែរ ។
ចារុំចង់ឲ្យមិត្តរបស់គាត់បានរីករាយ ។ ជារឿយៗ គាត់និយាយប្រាប់ពួកគេអំពីព្រះវិហារ និងអញ្ជើញពួកគេឲ្យចូលរួមការប្រជុំ និងសកម្មភាពនានា ។ ចារុំ និយាយថា « នៅពេលបងប្អូនអធិស្ឋាន សូមនឹកចាំពីមិត្តភក្ដិ និងក្រុមគ្រួសាររបស់បងប្អូន » ។ « សូមសួរដើម្បីដឹងពីរបៀបដែលបងប្អូនអាចជួយពួកគេបាន » ។
ចំណូលចិត្តរបស់ ចារុំ
ទីកន្លែង ៖ សួនច្បារ និងរោងជំនុំ
ដំណើររឿងអំពីព្រះយេស៊ូវ ៖ នៅពេលទ្រង់ជួយបុរសពិការភ្នែកម្នាក់ និងពេលទ្រង់បានរស់ឡើងវិញ
ចម្រៀងកុមារ ៖ « ពេលខ្ញុំបានជ្រមុជទឹក » ( សៀវភៅចម្រៀងកុមារ ទំព័រ ៥៣ )
អាហារ ៖ ស៊ុបភូស៊ូ ដំឡូងបំពង និងនំដូណាត់
ពណ៌ ៖ ពណ៌ផ្ទៃមេឃ និងស្វាយ
មុខវិជ្ជានៅសាលា ៖ ប្រវត្តិវិទ្យា និងភូមិវិទ្យា