Fuakava Foʻoú

Ngaahi ʻEkitivitīHaʻu, ʻo Muimui ʻIate Au maʻá e Fānau Īkí

Ki he Mātiu 8; Maʻake 2–4; Luke 7

Ko e hā ha ngaahi meʻa ʻoku nau fakailifiaʻi hoʻo fānau īkí? Talanoa fiemālie ki ha taha ʻo e ngaahi manavasiʻi ko iá. Tokoniʻi leva kinautolu ke nau pehē, “ʻI he taimi ʻoku ou manavahē aí, ʻe lava ke tokoniʻi au ʻe Sīsū ke u ongoʻi nonga.”

Ki he Mātiu 9–10; Maʻake 5; Luke 9

Tānaki ʻa e ngaahi meʻa ki he ʻuluaki tokoní pea fakamatalaʻi ʻa e founga ʻoku fakaʻaongaʻi ai kinautolu ke fakamoʻui kitautolú. Fakamatalaʻi leva ʻoku lahi ange ʻa e mālohi ʻo Sīsū Kalaisi ke faifakamoʻuí. Fakamatalaʻi ha taha ʻo e ngaahi mana ʻi he Mātiu 9.

Ki he Mātiu 11–12; Luke 11

Hiki e ngaahi ʻaho ʻo e uiké maʻa hoʻomou fānau īkí. Lea leʻo lahi ʻaki e hingoa ʻo e ʻaho takitaha, kae fanafana ange ʻi hoʻo lea “Sāpaté.” Fakamatalaʻi ange ko e Sāpaté ko ha ʻaho makehe ia ke tau fakakaukau ai ʻi he loto ʻapasia kia Sīsū Kalaisi.

Ki he Mātiu 13; Luke 8; 13

Fakamatalaʻi ange naʻe haʻu ʻa e kakai faivelengá kia Sīsū ʻi he kuonga fuoloá ke fanongo ki Heʻene ngaahi talanoá ( vakai, Mātiu 13). Kole ange ke nau tā ha fakatātā ʻo e kakai ʻoku fanongo kia Sīsū.

Ki he Mātiu 14; Maʻake 6; Sione 5–6

Teuteuʻi ha kiʻi kai maʻamaʻa moʻui lelei maʻa hoʻo fānau īkí. Talanoa fekauʻaki mo e mana ʻo e ngaahi foʻi maá mo e iká (vakai, Mātiu14:15–21). Tokoniʻi kinautolu ke nau lea, “ʻOku ʻafioʻi ʻe Sīsū ʻa e meʻa ʻoku ou fie maʻú pea ʻe lava ke tokoniʻi au.”