“Muimui ʻia Sīsū, ʻi Kilipati,” Kaumeʻá, Māʻasi 2023, 16–17.

Muimui ʻia Sīsū ʻi Kilipati

Feʻiloaki mo Sikoti!

Fekauʻaki mo Sikoti

Taʻu motuʻá: 8

Mei: Tarawa, Kilipati

Ngaahi lea fakafonuá: Faka-Kilipati mo e Faka-Pilitānia

Ngaahi taumu‘á mo e fakaʻānauá: Hoko ko ha toketā

Fāmilí: Fineʻeikí mo Sikoti

Ko e Founga ʻOku Muimui ai ʻa Sikoti ʻia Sīsuú

Ko e tamasiʻi ʻokú ne pukepuke ha tamasiʻi ʻe taha ʻi hono tuʻá ʻi he tahí

ʻOku talangofua mo angaʻofa ʻa Sikoti. ʻOkú ne saiʻia ke hoko ko ha faʻifaʻitakiʻanga lelei, tautautefito ki hono kiʻi tokouá. Ko ha kaungāmeʻa lelei ia ki hono tokouá pea ʻokú ne ui maʻu pē ia ko hono kiʻi tehina. ʻOku lotu ʻa Sikoti he pō mo e pongipongi kotoa pē. ʻOkú ne fie ʻalu maʻu pē ki he ngaahi ʻekitivitī ʻa e Siasí, pea ʻokú ne saiʻia ʻi he efiafi ʻi ʻapí. ʻOkú ne saiʻia foki ke tokoniʻi e niʻihi kehé. ʻOkú ne fie tokoniʻi kinautolu koeʻuhí ʻokú ne ongoʻi fiefia ʻi he taimi ʻokú ne fakahoko ai iá. ʻOkú ne pehē, “ʻOku ou fiefia ʻi he tokoni ki he niʻihi kehé.”

Ngaahi Meʻa ʻOku Manako Taha ai ʻa Sikotí

Ko ha fale fakavaʻe māʻolunga, polokolī (vesitapolo) mo e ʻāpele, tohi ʻoku fakaava, mo ha foʻi peau ʻo e tahí

Talanoa mei he Folofolá: Ko e taimi naʻe ʻaloʻi ai ʻa Sīsū Kalaisí

Feituʻú: ʻApi ʻo ʻene kui uá

Fuaʻiʻakau mo e vesitapolo: ʻĀpele, polokolī

Lēsoni ʻi he ʻapiakó: English

Lanú: Pulū