Tohi ha Talanoa Fakatātā

Fakakaukau ki ha meʻa ʻi he ongoongoleleí ʻokú ke fie akoʻi ki he niʻihi kehé. Ko e hā ha meʻa pe sīpinga te ke lava ʻo fakaʻaongaʻi ke akoʻi ʻaki ia? Tā pe tohi fekauʻaki mo ia ʻi heni.

Hangē ko ʻení: ʻOku hangē ʻa e tuí ko ha tengaʻi ʻakaú koeʻuhí ʻe lava ke tupu siʻisiʻi pē ʻi he taimi ʻe taha.

Taʻo Haʻo Mā Pē ʻAʻau

Te ke lava ʻo fakaʻaongaʻi ʻa e founga ko ʻení ki he ʻekitivitī ʻi he peesi 11.

1 ipu vai māfana

2 1/4 sēpuni tī ʻīsite mōmoa

2 sēpuni lahi suka hinehina

3 ipu mahoaʻa

1 sēpuni tī māsima

1/4 ipu lolo vesitapolo

Tuifio ʻa e vaí, ʻīsité, mo e suká ʻi ha poulu. Tatali ʻi ha miniti ʻe 5 ki he ʻīsité ke fepulopulasi hake.
Tuifio ʻa e mahoaʻá, māsimá, mo e loló.
Natu ʻa e takaonga mahoaʻá ʻi he miniti ʻe 10. Faʻo ʻi ha kapa kuo ʻosi fakalolo. ʻUfiʻufi pea tuku ke tupu ʻi ha houa ʻe taha.
Lomi hifo e takaonga mahoaʻá ki lalo pea tuku ke tupu ʻi ha toe miniti ʻe 10. Taʻo ʻi he 350°F (175°C) ʻi he miniti ʻe 30–40.