Tohi ʻe Koe

Ko Hoku ʻAho Papitaisó

Fai ʻe Meikeni S., taʻu 10, Michoacán, Mekisikou

Laʻitā ʻo ha kiʻi taʻahine malimali

Fāmili mo ha fānau fefine ʻe toko tolu ʻoku nau ʻalu ki he lotú

Mālō e lelei! Ko hoku hingoá ko Meikeni, pea ʻoku ou nofo ʻi Mekisikou. ʻOku ou fie talanoa atu kau ki ha taimi makehe ʻi heʻeku moʻuí—ko e ʻaho ne papitaiso ai aú.

Ne papitaiso au ʻi hoku taʻu valú! Ko ha ʻaho mahuʻinga ʻaupito ia he naʻá ku fakafiefiaʻi hoku ʻaho fāʻeleʻí ʻaki hono papitaiso aú.

Ko ha aʻusia fakaʻofoʻofa ʻa e papitaisó. Naʻe ʻomi ʻe heʻeku faʻeé ha kiʻi pepa mo ha ngaahi ʻekitivitī kehekehe ke u teuteu ai. Naʻá ne tokoniʻi au ke u ako fekauʻaki mo e mahuʻinga ʻo e papitaisó mo e ngaahi fuakava te u fakahoko mo e Tamai Hēvaní.

Kiʻi taʻahine kofu pingikī ʻokú ne toʻo ʻa e tohí

Naʻe omi ha kakai tokolahi ʻoku nau ʻofa ʻiate aú ki hoku papitaisó. Naʻá ku fiefia lahi ʻi heʻenau haʻú. Naʻá ku tui ha kofu hinehina, pea naʻe māfana ʻa e vaí.

Hili hono papitaiso au ʻe heʻeku tangataʻeikí, naʻá ku holo ke u mātuʻu mo fetongi hoku valá. Ne u maʻu leva ʻa e meʻafoaki ʻo e Laumālie Māʻoniʻoní. Naʻe hilifakinima au ko ha mēmipa ʻo Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻe he kau maʻu lakanga fakataulaʻeikí. Naʻá ku ongoʻi ha nonga, ʻofa, mo ha fiefia lahi.

Ko hono papitaiso ʻo ha kiʻi taʻahine kae mamata e fānau kehé

Te u manatuʻi maʻu pē ʻa e ʻaho ko iá. Naʻe mātuʻaki makehe koeʻuhí he naʻá ku fakahoko ʻeku fuofua fuakava mo e ʻOtuá. Naʻá ku palōmesi ke muimui ʻia Sīsū mo talangofua ki Heʻene ngaahi fekaú.

Fāʻofua ʻa e taʻahiné ki heʻene tangataʻeikí

Kapau ʻokú ke manavasiʻi pe ʻe fēfē ho ʻaho papitaisó, ʻoua te ke hohaʻa. ʻE fiefia ʻa e Tamai Hēvaní ʻi he fili naʻá ke fakahokó!

talanoa ʻi he PDF

Tā Fakatātā ʻe Olga Lee