Кирибатигаас мэндчилж байна!

Тэнгэрлэг Эцэгийн дэлхий даяарх хүүхдүүдийн талаар олж мэд.

Кирибати (ки-ру-бас) бол Номхон далайн арлын орон юм. Энд 120000 орчим хүн амьдардаг.

33 аралтай

Зураг чимэглэлийг Робин Бримли

Кирибатийн жижигхэн арлууд нь далай дээгүүр 1.4 сая квадрат бээр (3.5 сая километр²) талбайд тархсан байдаг. Дэлхийн гадаргуу дээрх байршлаасаа болоод шинэ өдөр эхлэх бүрд хамгийн эхэнд гэрэл тусдаг цагийн бүсэд ордог.

Далайн үзэсгэлэнт эргүүд

Кирибати нь далайн элсэн эрэг, дал моддоор дүүрэн. Жилийн туршид дулаахан байдаг.

Гэгээлэг жишээнүүд

Ард түмнийх нь 20 орчим хувь нь Сүмийн гишүүд. Тэд арал дээр амьдардаг бусад хүнд сайн үлгэр жишээ үзүүлдэг.

Загас барь!

Тэд далайгаар хүрээлэгдсэн учраас Кирибатийн ард иргэд далайн гаралтай хоол хүнс маш их иддэг. Наргил жимс, будаа, хулуу бас түгээмэл хэрэглэдэг.

Удахгүй баригдах ариун сүм

2020 оны 10-р сард ерөнхийлөгч Рассэлл М.Нэлсон Кирибатид ариун сүм барих талаар зарласан. Ариун сүм ямар харагдахыг үзүүлье.

Үйл ажиллагаа

Амьтны бүжиг

Бүжиглэх нь кирибатичуудын амьдралын чухал хэсэг юм. Бүжиг нь тэдний үндэсний шувуу буюу фрегат далайн шувуунаас үүдэлтэй. Бүжигчид хөдлөх зуураа гараа далавч адил гадагш дэвдэг.

Чиний дуртай амьтан юу вэ? Үүний яаж хөдөлдөг талаар бодоорой. Тэгээд тэр амьтнаас үүдэлтэй бүжгийг зохио. Зарим найзаа үүнд нэгдэхэд уриарай!

Жор

Наргил жимстэй хулууны шөл

1. Тогоонд бага зэрэг наргилын тос хий. Тэгээд 1 сонгино хэрчиж хийгээд, шаргалтаж эхэлтэл дунд зэргийн гал дээр шар.

2. 2 аяга хулууны нухаш, 2 аяга наргил жимсний сүү болон 4 аяга тахианы тунгалаг шөл нэмж хий. Сайн хутга.

3. Шөлөө буцлахаар нь галаа багасгаад, зөөлөн гал дээр 20 минут буцалгана.

4. Хэрэв хүсвэл, давс, перц, цагаан гаа эсвэл өөр бусад амтлагч нэм.

Томчуудаас тусламж аваарай!

Эрүүл мэндийн зөвлөгөө

Хөдөлгөөнтэй бай!

Дасгал хийх нь зүрх, булчин болон ясыг эрүүл байлгадаг. Бүжиглэх, спорт тоглох, дугуй унах, дуртай зүйлээ хийх зэргээр биеэ хөдөлгөж, цусны эргэлтээ сайжруулан, өдөр бүр зугаатай зүйлс хийгээрэй!