Hello mula sa Kiribati!

Alamin ang tungkol sa mga anak ng Ama sa Langit sa buong mundo.

Ang Kiribati (kee-ruh-bas) ay isang islang bansa sa Pacific Ocean. Mga 120,000 katao ang naninirahan doon.

33 isla

Mga larawang-guhit ni Robyn Brimley

Ang munting mga isla ng Kiribati ay nakakalat sa mahigit 1.4 milyong square miles (3.5 milyong km²) ng karagatan! Dahil sa puwesto nito sa globo, ito ang unang time zone na nakakakita sa liwanag ng bawat bagong araw.

Magagandang Dalampasigan

Ang Kiribati ay puno ng mabuhanging mga dalampasigan at puno ng palma. Mainit ang klima rito sa buong taon.

Magagandang Halimbawa

Halos 20 porsiyento ng mga tao ay mga miyembro ng Simbahan. Sila ay mabubuting halimbawa para sa iba pang naninirahan sa mga isla.

Mangisda Ka!

Dahil napapaligiran sila ng karagatan, maraming kinakaing lamang-dagat ang mga mamamayan sa Kiribati. Karaniwan din ang niyog, bigas, at kalabasa.

Itinatayo na ang Templo

Noong Oktubre 2020, ibinalita ni Pangulong Russell M. Nelson na may itatayong templo sa Kiribati! Ganito ang magiging hitsura nito.

Aktibidad

Sayaw ng mga Hayop

Ang pagsayaw ay mahalagang bahagi ng buhay sa Kiribati. Ang kanilang mga sayaw ay binigyang-inspirasyon ng kanilang pambansang ibon, ang ibong frigate. Inuunat ng mga dancer ang kanilang mga bisig na parang mga pakpak habang gumagalaw sila.

Ano ang paborito mong hayop? Isipin kung paano ito gumagalaw. Pagkatapos ay lumikha ng isang sayaw na binigyang-inspirasyon ng hayop na iyon. Hilingin sa ilang kaibigan na sumali sa iyo!

Resipe

Pumpkin Coconut Soup

1. Maglagay ng kaunting langis ng niyog sa isang kaserola. Magdagdag ng 1 hiniwa-hiwang sibuyas at lutuin sa katamtamang lakas ng apoy hanggang sa magsimulang magkulay-brown ang sibuyas.

2. Magdagdag ng 2 tasang pumpkin puree, 2 tasang gata ng niyog, at 4 na tasang sabaw ng manok. Haluing mabuti.

3. Pakuluin ang sabaw, pagkatapos ay hinaan nang kaunti ang apoy at hayaan itong kumulu-kulo nang 20 minuto.

4. Kung gusto mo, magdagdag ng asin, paminta, luya, o iba pang mga pampalasa.

Siguraduhing magpatulong sa nakatatanda!

Tip para sa Kalusugan

Gumalaw

Ang pag-eehersisyo ay pinananatiling malusog ang iyong puso, mga kalamnan, at mga buto. Makakagawa ka ng masasayang bagay bawat araw para pagalawin ang katawan mo at patibukin ang puso mo, tulad ng pagsayaw, paglalaro ng sports, o pagbibisikleta—anuman ang gusto mo!