Pe’e ia Iesu i Cap Vert

Fārerei ia Raissa !

Nō ni’a ia Raissa

Matahiti : 11

Nō : te Motu Santiago, Cap Vert

Reo : Pōtītī

Mau fā ’e mau moemoeā : E fa’aipoipo i roto i te hiero ’e e fa’atupu i tōna iho ’utuāfare

’Utuāfare : Raissa, māmā, pāpā ’e e piti tuahine pa’ari

Nāhea Raissa i te pe’e ia Iesu

I te paera’a o tōna matahiti, tē ’imi ra Raissa ’e tōna ’utuāfare i te hō’ē ’ēkālesia nō te haere. Te taime mātāmua ’a haere ai rātou i Te ’Ēkālesia a Iesu Mesia i te Feiā Mo’a i te mau Mahana Hope’a nei, ’ua ’ite mai rātou ē teie tō rātou pārahira’a. Mea au roa nā Raissa te Paraimere. ’Ua bāpetizohia tōna ’utuāfare. ’E e mea au roa nā Raissa ’ia tupu te pō ’utuāfare i te mau hepetoma ato’a.

I te onora’a o te matahiti o Raissa, ’ua tā’atihia ’oia ’e tōna ’utuāfare i roto i te hiero nō Recife Peretīria.

’Aita i maoro a’enei ’ua haere atu Raissa i te ’ōpani ’īriti nō te hiero nō Praia Cap Vert. « ’Ua rave au i te mau mea faufa’a rahi nō te fa’aineine iā’u nō te haere i te hiero, mai te pure, te haerera’a i te purera’a, te tuatāpapara’a i te mau pāpa’ira’a mo’a, ’e te ha’api’ira’a mai i te ’evanelia », ’ua parau ’oia.

I muri a’e i te ha’amo’ara’ahia te hiero, ’ua ti’a iāna e rave i te mau bāpetizora’a nō tōna mau tupuna tei pohe, rātou tei ’ore i ha’api’ihia i te ’evanelia. « E mea nehenehe roa te hiero », tāna i parau.

Te mau mea e au-roa-hia e Raissa

Vāhi : Te fare a te ’Ēkālesia

Pāpa’ira’a mo’a : 1 Nephi 3:7

Mā’a hotu ’aore rā mā’a tupu : Vine

Te ’ū : Vare’au

Tumu parau i te fare ha’api’ira’a : Nūmerara’a

E nehenehe ato’a ’outou e pe’e ia Iesu !

E rave rahi rāve’a nō te pe’e ia Iesu. Nāhea ’outou i te pe’e iāna ? ’A pāpa’i ’e ’a parau mai ia mātou !

Faʼahōho’araʼa nā Melissa Manwill