Pāhonora’a nō ni’a i te hiero

E aha te huru i roto i te hiero ?

Mau hōho’a nō te rotora’a o te hiero

Te hiero ’o te fare ïa o te Fatu. E mea mā ’e e mea nehenehe i roto. E ’ahu ’uo’uo tō te mau ta’ata ato’a ’e e tāmata ’ia vai fa’atura noa. E vāhi hau te reira nō te ha’amori i te Atua, nō te ha’api’i mai ’e nō te fāri’i i te here o te Fa’aora nā roto mai i te Vārua Maita’i.

E aha tā te ta’ata e rave i roto i te hiero ?

E hōho’a nō te hō’ē tamāhine ’e te hō’ē tamāroa i pīha’i iho i te hō’ē hōho’a o tō rāua mau tupuna

I roto i te hiero, e ha’api’i mai tātou nō ni’a i te fa’anahora’a a te Atua ’e e rave i te mau fafaura’a ’e ’ōna. E nā reira tātou ma te ravera’a i te mau ’ōro’a mai te mau bāpetizora’a, te mau ha’amaura’a, ’e ’ia tā’atihia tātou i tō tātou mau ’utuāfare.

Nāhea vau ’ia ’ahu iā’u, ’ia haere ana’e au i te hiero ?

Hō’ē tamāroa i roto i te perēue ’e te tā’amu ’arapo’a i pīha’i iho i te hō’ē tamāroa i roto i te ’ahu ’ō’omo ’uo’uo

E ti’a ia ’oe e ’ō’omo mai i tō ’oe ’ahu nehenehe roa a’e nō te hiero. ’Ia tae ana’e ’oe i roto, e taui ’oe i te ’ahu ta’a ’ē nō te rave i te mau ’ōro’a. Nō te mau bāpetizora’a, e hōro’a mai te mau rave ’ohipa o te hiero ia ’oe i te hō’ē ’ahu ’ō’omo ’uo’uo.

E aha te hō’ē parau fa’ati’a nō te hiero ?

E tamāroa e ’ata ra ’e e rave ra i te hō’ē tāreta

Hō’ē parau fa’ati’a nō te hiero ’o te hō’ē ïa ’api parau na’ina’i e fa’ati’a ia ’oe ’ia tomo i roto i te hiero. E roa’a te reira nā roto mai i te hō’ē melo nō tō ’oe ’episekōpora’a ’aore rā tō ’oe peresidenira’a ’āma’a. E ui mai ’oia ia ’oe ē, tē ha’apa’o ra ānei ’oe i te mau fa’auera’a, ’e e ’itera’a pāpū ānei tō ’oe. Mai te mea e mea ti’a-mā ’oe ’e ’ua ineine nō te tomo i roto i te hiero, e hōro’a mai ’oia ia ’oe i te hō’ē parau fa’ati’a nō te hiero.

E aha te aura’a te parau te ravera’a i te mau bāpetizora’a nō te feiā pohe ?

Hō’ē tamāhine e bāpetizohia ra i roto i te ’āpo’o bāpetizora’a o te hiero

I roto i te hiero, e nehenehe ’oe e bāpetizohia nō te feiā tei pohe, ’aita rātou i bāpetizohia. E ’ahuhia ’oe i te ’ahu ’uo’uo ’e ’ia tāumihia i raro (te tino tā’āto’a i raro a’e) i te pape.

E aha te hō’ē ’ōro’a nō te autahu’ara’a ?

E tamari’i ri’i e rave ra i te ’ōro’a mo’a ’e te tamāhine e fāri’i ra i te hō’ē ha’amaita’ira’a

Te hō’ē ’ōro’a nō te autahu’ara’a e ’ohipa mo’a ïa ’o tē ravehia nā roto i te ha’amanara’a ’e te mana o te Atua. Te bāpetizora’a, te ha’amaura’a, ’e te ’ōro’a mo’a e mau ’ōro’a ïa e fa’atupuhia i rāpae i te hiero. Te mau bāpetizora’a nō te hiero, te mau ’ōro’a hiero ’e te mau tā’atira’a e mau ’ōro’a ïa e fa’atupuhia i roto i te hiero.

E aha te hō’ē fafaura’a ?

Hō’ē fafaura’a e parau ’euhe ïa e ravehia i rotopū ia ’oe ’e te Metua i te ao ra. E fafau tātou iāna i te tahi mau mea, ’e e fafau mai ’oia e pārahi mai ’oia i pīha’i iho ia tātou ’e e ha’amaita’i ia tātou.

PDF o te ’ā’amu

Fa’ahōho’ara’a nā Simini Blocker