2023
Tūfetura’a ’ārearea
Mē 2023

« Tūfetura’a ’ārearea », Hoa, Mē 2023, 32–33.

’Ohipa ’ārearea

Tūfetura’a ’ārearea

Hōho’a
PDF o te ’ā’amu

Fa’ahōho’ara’a nā Nicole Walkenhorst

Tāpa’o ’api origami

  1. Tūfetu tā’āfa i te hō’ē ’api parau ’ōrapa nā te rēni tū’atiporo nō te hāmani i te hō’ē poro toru.

  2. Tūfetu nā pae e piti o te poro toru haere i rōpū nō te hāmani i te hō’ē ’ōrapa. I muri iho, ’a hōhora.

  3. ’A rave mai i te ’oe’oera’a o te poro toru, tūfetu mai ai i ni’a iāna iho i raro mai.

  4. ’Ōmono mai te tari’a ’atau ’e te ’aui o te poro toru i roto i te pūtē.

  5. I teienei, e nehenehe tā ’oe e tai’o ’e tā ’oe tāpa’o ’api ’āpī !

’Ārope origami

  1. Tūfetu tā’āfa i te hō’ē ’api parau ’ōrapa nā te rēni tū’atiporo nō te hāmani i te hō’ē poro toru.

  2. Tūfetu te pae ’atau ’e te pae ’aui o te poro toru i rōpū nō te hāmani i te hō’ē ’ōrapa.

  3. Fa’ahuri i te ’ōrapa. Tūfetu nā te ’āfara’a nā ni’a i te rēni i rōpū nō te hāmani i te hō’ē poro toru.

  4. ’A ’imi mai te hiti o te poro toru tē vai ra e tōru tōna ’āpapara’a. Tūfetu i te reira hiti ma te ’ao’ao, i muri iho ’a ha’ama’a i te mau poro.

  5. ’A ha’amahora i te mau poro nō rōpū ’e ’a tūfetu i raro nō te hāmani i te hōho’a mata.

  6. ’A rave i te tahi atu pae o te poro toru rahi ’e ’a tūfetu i te reira nā raro nō te hāmani i te ’āero.

I’a origami

  1. Tūfetu tā’āfa i te hō’ē ’api parau ’ōrapa nā te rēni tū’atiporo nō te hāmani i te hō’ē poro toru, i muri iho ’a hōhora. ’A nā reira ato’a i te tahi atu pae.

  2. Tūfetu i te ’api parau nā rōpū nō te hāmani i te hō’ē ’oehā, i muri iho ’a hōhora.

  3. ’A huri i tā ’outou ’api parau. ’A ’ī’iti i te mau tūfetura’a o te mau poro tā’ao’ao. E ’āfa’i ’āmui nā poro e piti o te pae ’atau ē tae roa atu i te hiti. ’A nā reira ato’a i tō te pae ’aui. E roa’a mai ia ’outou i te hō’ē poro toru.

  4. Tūfetu mai hō’ē rapa i rōpū. Tūfetu atu ai te tahi nā ni’a i te rapa mātāmua. E hāmani te reira i te mau pehau.

  5. I teienei, ’a huri i te i’a ’e ’a pāpa’i hōho’a i te hō’ē mata.

Nene’i