« Fa’ata’ara’a nō te ’āmuira’a », Hoa, Mē 2023, 5.
Fa’ata’ara’a nō te ’āmuira’a
Faʼahōhoʼaraʼa nā Josh Talbot
Tē ti’aturi nei tātou i te Mesia
’Ua parau te peresideni Oaks ē tē ti’aturi nei tātou ia Iesu Mesia. ’Ua tai’o ’oia e rave rahi ’īrava pāpa’ira’a mo’a nō ni’a i te mea tā Iesu i parau i roto i tōna orara’a ’e i tōna fārereira’a i te mau ’āti Nephi. ’Ia tuatāpapa tātou i te mau parau a Iesu nō te arata’i ia tātou i roto i te orara’a.
Tē ha’api’i mai nei te reira ē :
’E ’o Iesu fa’ahou ā
’Ua fa’ati’a Elder Stevenson i te parau nō e piti tamāhine tei pohe tā rāua metua vahine fēti’i. ’Ua ui atu te vahine a Elder Stevenson, ’o Lesa, e aha tō rāua huru. E mea ’oto rāua, ’ua fa’a’ite mai rā rāua i tō rāua ’itera’a pāpū. ’Ua ’ite rāua ē, e mea ’oa’oa tā rāua metua vahine fēti’i, ’e tei pīha’i iho paha ia Iesu. E mea tāmāhanahana te fa’aro’o ia Iesu Mesia ’e i te ora mure ’ore ia tātou.
Tē ha’api’i mai nei te reira ē :
’Itera’a pāpū i ni’a i te hō’ē pere’o’o mata’eina’a
’Ua paraparau Elder Corbitt nō ni’a i te hō’ē vahine tāna i fārerei i ni’a i te pere’o’o mata’eina’a. I ani mai ’oia nō te aha ’oia e ti’aturi ai ia Iesu Mesia. ’Aita i pāpū iāna e aha tē parau atu. Fa’aoti a’era ’oia i te fa’atumu i ni’a i te mea faufa’a roa a’e. ’Ua parau atu ra ’oia ē, tītauhia Iesu nō te tauturu ia tātou ’ia ho’i i te Metua i te ao ra. E nehenehe ato’a tātou e fa’a’ite i tō tātou ’itera’a pāpū.
Tē ha’api’i mai nei te reira ē :
Te ta’ita’ira’a i te ’ōfa’i
’Ua fa’a’ite te tuahine Johnson i te fa’aaura’a i te mau mea pa’ari i roto i te orara’a i te hō’ē pūtē tua tei ’ī i te ’ōfa’i. E ta’ita’i tātou i te mau ’ōfa’i nō tā tātou mau hara, te hāmani-’ino-ra’a ia vetahi ’ē ’e te mau fifi o te orara’a. E tauturu Iesu Mesia ’ia tātara i te mau ’ōfa’i i rāpae i te pūtē tua, mai te mea e fāriu tātou i ni’a iāna. E nehenehe ato’a tātou e tauturu i te ha’amāmā i te pūtē tua o te tahi atu ta’ata nā roto i te aupurura’a iāna mai tā Iesu e nā reira.
Tē ha’api’i mai nei te reira ē :