Faufa’a ’Āpī

’Ohipa e rave nō te Mai, pe’e mai nō te mau tamari’i ri’i

Tamāhine ’e te tamāroa e pārahi i mua i te hiero

Nō Luka 12–17 ; Ioane 11

’A ha’uti i teie ha’uti tu’upiri nō te ’ā’au māuruuru ’e tā ’outou mau tamari’i ri’i ! ’A mā’iti i te hō’ē ’ohipa tā ’outou e māuruuru nei, ’eiaha rā e fa’a’ite atu i teienei e aha ra. ’A tāpura i te mau tumu ’outou e māuruuru ai nō taua ta’ata ra ’aore rā, taua ’ohipa ra, ē tae roa ’ua ’itehia mai te reira e tā ’outou tamari’i. I muri iho, nā rātou e ha’uti !

Nō Mataio 19–20 ; Mareko 10 ; Luka 18

’A fa’a’ite i tā ’outou mau tamari’i ri’i i te hō’ē hōho’a nō te hiero. ’A fa’ata’a ē, tē hina’aro nei te Metua i te ao ra ’ia tā’atihia tātou i roto i te mau hiero, ’ia ti’a i tō tātou ’utuāfare ’ia vai ’āmui ē a muri noa atu. Hīmene « E ti’a i te ’utuāfare ’ia ora tāhō’ē » (Te mau hīmene, 184).

Nō Mataio 21–23 ; Mareko 11 ; Luka 19–20 ; Ioane 12

’A haere e māta’ita’i i te hiero fātata mai ’e tā ’outou mau tamari’i ri’i ’aore rā, ’a fa’a’ite ia rātou i te mau hōho’a i ni’a i te itenati. E fa’a’ite atu i te hō’ē ’itera’a pāpū ’ōhie nō ni’a i tō ’outou mana’o nō te hiero. Mai te mea, e nehenehe ’outou e ori haere nā roto i te ’āua, ’a tauturu i te mau tamari’i ’ia fāri’i i te mana’o au maita’i ’e te hau i reira.

Nō Iosepha Semita—Mataio 1 ; Mataio 24–25 ; Mareko 12–13 ; Luka 21

’A tauturu i tā ’outou mau tamari’i ri’i ’ia parau, « Tē hina’aro nei Iesu ’ia tāvini au ia vetahi ’ē ». ’A feruri ’āmui i te hō’ē ta’ata tā ’outou e nehenehe e tauturu atu. I muri a’e i tō ’outou tauturura’a i taua ta’ata ra, e ani e aha tā rātou i fāri’i i te tauturura’a atu.