2023
Hō’ē ta’ata tei ’ī i te māuruuru
Mē 2023

« Upo’o parau pāpa’i », Hoa, Mē 2023, 46–47.

’Ā’amu nō roto mai i te mau pāpa’ira’a mo’a

Hō’ē ta’ata tei ’ī i te māuruuru

Iesu Mesia e ti’a ra i mua i te feiā tei tā’amu’amuhia te pēpē

Fa’ahōho’araʼa nā Apryl Stott

I te hō’ē mahana, ’ua fārerei atu Iesu Mesia 10 ta’ata. E ma’i rahi tō rātou.

Iesu e paraparau ra

’Ua ani te mau ta’ata ia Iesu ’ia fa’aora ia rātou. ’Ua parau atu Iesu ia rātou, ’ia haere e fa’a’ite ia rātou iho i te mau tahu’a.

Mau ta’ata ’ata’ata i muri mai i tō rātou fa’aorara’ahia

I tō rātou haerera’a, ’ua ora tō rātou ma’i ! ’Ua ’ite rātou ē, ’ua fa’aora Iesu ia rātou.

Ta’ata e tūturi rā i mua ia Iesu Mesia

’Ua ho’i fa’ahou mai hō’ē o nā 10 ta’ata ia Iesu ra. ’Ua tūturi ’oia i te ’āvae o Iesu ’e ’ua ha’amāuruuru iāna. ’Ua parau Iesu, ’ua fa’aorahia ’oia nō tōna fa’aro’o.