“Ko e Muimui ʻia Sīsū ʻi Keipi Vētí,” Ko e Kaumeʻá, Mē 2023, 20–21.
Ko e Muimui ʻia Sīsū ʻi Keipi Vētí
Feʻiloaki mo Laisa!
Fekauʻaki mo Laisa
Taʻu Motuʻá:11
Feituʻú: Motu Sanitiakó, Keipi Veeti
Lea Fakafonuá: Faka-Potukali
Ngaahi taumuʻá mo e ngaahi fakaʻamú: Ke mali ʻi he temipalé mo maʻu ha fāmili pē ʻoʻona
Fāmilí: Laisa, Faʻē, Tamai, mo ha taʻokete ʻe toko ua
Ko e Founga ʻOku Muimui ai ʻa Laisa kia Sīsuú
ʻI he taʻu nima ʻa Laisá, naʻá ne fakasio mo hono fāmilí ha siasi ke nau kau ki ai. ʻI he fuofua taimi ne nau ō ai ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, ne nau ongoʻi ʻoku talitali lelei kinautolu ai. Naʻe saiʻia ʻa Laisa ʻi he Palaimelí. Naʻe papitaiso hono fāmilí. Pea naʻe saiʻia ʻa Laisa ʻi he efiafi fakafāmili ʻi ʻapi ʻi he uike kotoa pē.
ʻI he taʻu ono ʻa Laisá, naʻe silaʻi ia mo hono fāmilí ʻi he Temipale Recife Brazil.
Naʻe toki ʻalu ʻa Laisa kimuí ni ki he ʻoupeni hausi ʻa e Temipale Praia Cape Verde. ʻOkú ne pehē, “Naʻá ku fai ha ngaahi meʻa mahuʻinga ke u teuteu ai ke u ʻalu ki he temipalé, hangē ko e lotú, ʻalu ki he lotú, ako e folofolá mo ako ʻa e ongoongoleleí.”
Hili hono fakatapui ʻo e temipalé, naʻá ne lava ʻo fakahoko ʻa e papitaiso maʻa ʻene ngaahi kui naʻe pekia teʻeki ke nau ʻiloʻi ʻa e ongoongoleleí. ʻOkú ne pehē, “ʻOku fakaʻofoʻofa ʻa e temipalé.”
Ngaahi Meʻa ʻOku Manako Taha ai ʻa Laisá
Feituʻú: Ko e Falelotú
Potufolofolá: 1 Nīfai 3:7
Fuaʻiʻakau pe vesitapolo: Kālepi
Lanú: Vāleti
Lēsoni he akó: Fika
Ngaahi tā fakatātā ʻa Melissa Manwill