Meʻa Fakafiefiá

Fiefia ʻi he Tāpelupelu Pepá

Ngaahi tā fakatātā ‘a Nicole Walkenhorst

Tāpelupelu Pepa ʻa e Meʻa Fakaʻilonga Tohi

1. Pelu ua ha laʻipepa tapafā tatau ke faʻu ha foʻi tapatolu.

2. Pelu ua hake ʻa e ongo tafaʻaki ʻo e tapatolú ki he lotomālié ke maʻu ha foʻi sikuea. Hili iá pea folahi hake.

3. Puke ʻa e konga ki ʻolunga ʻo e laʻipepá ʻi he tuliki ʻo e tapatolú pea peluki hifo ia ki lalo.

4. Mono e tafaʻaki toʻomataʻu mo e tafaʻaki toʻohema ʻo e tapatolú ki he kató.

5. Te ke lava he taimí ni ʻo laukonga mo hoʻo meʻa fakaʻilonga tohi foʻoú!

Fōkisi ngaohi mei he tāpelupelu pepá

1. Pelu ua ha laʻipepa tapafā tatau ke faʻu ha foʻi tapatolu.

2. Peluki ʻa e tafaʻaki toʻomataʻu mo toʻohema ʻo e tapatolú ki he lotomālié ke faʻu ha tapafā.

3. Fulihi hake ‘a e laʻipepa tapafaá. Pelu ua ʻi he lotomālié ke faʻu ha foʻi tapatolu.

4. Kumi e tafaʻaki ʻo e tapatolú ʻoku ʻi ai ha foʻi konga ʻe tolú. Peluki e tapa ko ʻení ʻo fakahanga ki ʻolunga, pea fakaava leva e foʻi konga ʻe tolú.

5. Fakaava e laʻipepa ʻi lotó pea peluki hifo hono tulikí ki lalo ke maʻu e matá.

6. Peluki ki lalo e tafaʻaki lahi ʻe taha ʻo e tapatolú ke maʻu e hikú.

Kiʻi Ika Ngaohi mei he Tāpelupelu Pepá

1. Peluki ha laʻipepa tapafā ʻi he vaeua ʻo ha foʻi tapafā ke faʻu ha foʻi tapatolu, pea folahi leva. Fai e meʻa tatau ki he tafaʻaki ʻe tahá.

2. Pelu ua ʻa e laʻipepá ke faʻu ha tapafā lōloa, pea folahi leva.

3. Fulihi hake hoʻo laʻipepá. Pukeʻi hake e ngataʻanga ʻo e ongo foʻi pelu fakahihifí takitaha. Fakatahaʻi e ongo tulikí kae ʻoua kuo laine tatau e ongo foʻi pelú. Fai e meʻa tatau ki he toʻohemá. ʻOku totonu ke ke maʻu ha foʻi fuo tapatolu.

4. Peluki mai ha tafaʻaki ʻe taha ki lotomālie. Peluki mai mo e tafaʻaki ʻe tahá ʻi ʻolunga he ʻuluaki pelú. ʻE maʻu heni e tala ʻo e iká.

5. Fulihi leva hoʻo iká pea tā hano mata.

   TOKONI: Fakapapauʻi ʻoku tonu ʻaupito hoʻo pelú.