“Haʻu, ʻo Muimui ʻIate Aú Ngaahi ʻEkitivitī maʻá e Fānau Īkí,” Ko e Kaumeʻá, Mē 2023, 49.
Fuakava Foʻoú
Haʻu, ʻo Muimui ʻIate Aú Ngaahi ʻEkitivitī ʻo e maʻá e Fānau Īkí
Ki he Luke 12–17; Sione 11
Fakahoko e kiʻi keimi mateʻi ko ʻení mo hoʻo fānau īkí fekauʻaki mo e loto houngaʻiá. Fili ha meʻa ʻokú ke houngaʻia ai, kae ʻoua te ke lea ʻaki ia. Lisi e ngaahi ʻuhinga ʻokú ke houngaʻia ai ʻi he tokotaha pe meʻa ko iá kae ʻoua kuo tonu hono mateʻi ʻe hoʻo fānaú. ʻE hoko atu leva kianautolu!
Ki he Mātiu 19–20; Maʻake 10; Luke 18
Fakaʻaliʻali ki hoʻo fānau īkí ha fakatātā ʻo e temipalé. Fakamatalaʻi ange ʻoku finangalo ʻa e Tamai Hēvaní ke tau sila ʻi he temipalé kae lava ke fakataha hotau ngaahi fāmilí ʻo taʻengata. Hivaʻi ʻa e “Ko e Fāmilí ke Taʻengata” (Tohi Hiva ʻa e Fānaú, 192).
Ki he Mātiu 21–23; Maʻake 11; Luke 19–20; Sione 12
ʻAʻahi ki he temipale ofi tahá mo hoʻo fānau īkí pe fakaʻaliʻali ange ha ngaahi fakatātā ʻi he ʻinitanetí. Vahevahe ha fakamoʻoni nounou ki he ongo ʻokú ke maʻu fekauʻaki mo e temipalé. Kapau ʻokú ke lava ʻo lue takai holo ʻi tuʻa, tokoniʻi e fānaú ke nau fakatokangaʻi ʻa e ongo fakaʻofoʻofa mo nonga aí.
Ki he Siosefa Sāmita—Mātiu 1; Mātiu 24–25; Maʻake 12–13; Luke 21
Tokoniʻi hoʻomou fānau īkí ke nau lea, “ʻOku finangalo ʻa Sīsū ke u tokoni ki he niʻihi kehé.” Fakakaukau fakataha ki ha taha te ke lava ʻo tokoniʻi. Hili hoʻo tokoni ki he tokotaha ko iá, ʻeke ange ʻa e ongo ne nau maʻu ʻi heʻenau tokoní.