Ko e lea ne u saiʻia taha aí ko e lea ʻa e palōfitá. ʻOkú ne ʻai au ke u fie hoko ko ha tokotaha lelei ange mo tokoni ke u ʻiloʻi ʻa e mahuʻinga hoku ngaahi tokouá kiate aú. Te u lava ʻo angalelei ange kiate kinautolu mo hoko ko ha tokotaha faʻa fakalelei.
Naʻa mau fononga ke mamata ʻi he konifelenisi lahí ʻi ha hōtele mo e kāingalotu kehe ʻi homau feituʻú. ʻOku ou saiʻia ʻi he sio ki hoku ngaahi kaungāmeʻa mei he ngaahi kolo kehé mo hono maʻu ha fakalotolahi mei he kau leá.
Elise M., taʻu 10, Nailopi, Kēniá
ʻĪmisi
alt text
Ko e konga ʻoku ou saiʻia taha aí ko e hivá, tautautefito ki he taimi ʻoku fetongitongi holo ai ʻa e nima ʻo e tokotaha tā-ʻōkaní ʻi he ngaahi kií. Naʻe makehe ʻaupito ʻa e konifelenisí ni koeʻuhí he naʻe puna mai homau kaungāmeʻa mei Taiuani ke hiva fakataha mo e kuaeá. ʻOku mau laukau ʻaki ia!
Tristan W., taʻu 7, Kolo Taipei Foʻoú, Taiuani
ʻĪmisi
alt text
ʻOku ou saiʻia ʻi he konifelenisí koeʻuhí ʻoku ou lava ʻo fanongo ki he ngaahi folofola ʻa Sīsū Kalaisí ʻo fakafou mai ʻi he palōfitá mo e kau ʻaposetoló.
Selemi G., taʻu 6, Tulango, Mekisikou
ʻĪmisi
alt text
ʻOku hanga ʻe he konifelenisi lahí ʻo ʻai au ke u fiefia! ʻOku ou maʻu ha fiefia mei he pōpoaki fakalaumālie ʻa e palōfitá.
Michel O., taʻu 7, Liva Siteiti, Naisīlia
ʻĪmisi
alt text
ʻOku ou saiʻia ʻi he ʻalu ki he lotú mo hoku fāmilí ʻi he taimi konifelenisí ke sio ki he palōfitá ʻi he fuʻu monitoa (screen) lahí. ʻOku ou ongoʻi ʻa e Laumālié ʻi hoku lotó.
Levi B., taʻu 6, Vikatōlia, ʻAositelēlia
ʻĪmisi
alt text
ʻOku mau fakataha mai ko ha fāmili kimuʻa ʻi he konifelenisí pea hiki ʻemau ngaahi fehuʻí. ʻOku mau sio ʻi he konifelenisí mo fetokoniʻaki ke fakafanongo ki he ngaahi tali ki heʻemau ngaahi fehuʻí.
Carter, Aher, Sariah, Jet mo Willow S., taʻu 6, 12, 8, 10, mo e 2, Kuinisilani, ʻAositelēlia