“Mālō e Lelei mei Keipi Veeti!” Ko e Kaumeʻá, Mē 2023, 22–23.
Mālō e Lelei mei Keipi Veeti!
Ako fekauʻaki mo e fānau ʻa e Tamai Hēvaní ʻi he funga ʻo e māmaní.
Ngaahi tā fakatātā ʻa Carolina Farías
Ko Keipi Vētí ko ha motu ia ʻoku ofi ki he matāfanga ʻo ʻAfilika Hihifó. ʻOku nofo ai ha kakai ʻe meimei toko 480, 000.
Lea Fakafonuá
Ko e lea fakafonuá ʻa e lea faka-Potukalí. ʻOku toe lea foki e kakaí ʻi he lea faka-Potukali ʻa Keipi Veteini Keleioló, pe Kiliolú, ʻa ia ʻoku fakatefito ʻi he lea faka-Potukalí.
Ngaahi moʻunga afi
ʻOku ʻi ai ha motu ʻe 10 ʻi Keipi Veeti, ʻa ia naʻe faʻu mei he moʻunga afí. ʻOku ui e moʻunga afi lahi tahá ko e Pico do Fogo. ʻOku fute ʻe 9,281 (mita ʻe 2,829) hono māʻolungá.
Tui Fakalotú
Ko e pēseti nai ʻe 80 ʻo e kakaí ʻoku nau Katolika. ʻOku ʻi ai foki mo ha kāingalotu ʻe toko 16,000 nai hotau Siasí.
Mūsiká
ʻOku manako e kakai Keipi Vētí ʻi he mūsiká! ʻOku nau faʻa hiva ʻi he lea faka-Keleioló, pea ʻoku tuifio ʻenau mūsiká mei he ngaahi sitaila Potukali, Palāsila, mo ʻAfilika Hihifó.
Temipale Praia
Naʻe fakatapui e fuofua temipale ʻo Keipi Vētí ʻi he taʻu kuo ʻosí!