“Ngaahi Fakamatala ʻo e Konifelenisí,” Kaumeʻa, Mē 2023, 5.
Ngaahi Fakamatala ʻo e Konifelenisí
Tā Fakatātā ʻa Josh Talbot
ʻOku Mau Tui kia Kalaisi
Naʻe fakahaʻai ʻe Palesiteni ʻOakesi ʻoku tau tui kia Sīsū Kalaisi. Naʻá ne lau ha ngaahi potufolofola lahi fekauʻaki mo e meʻa naʻe folofola ʻaki ʻe Sīsū lolotonga ʻEne moʻuí pea mo e taimi naʻá Ne ʻaʻahi ai ki he kakai Nīfaí. ʻOku totonu ke tau ako ʻa e folofola ʻa Sīsuú ke tataki kitautolu ʻi heʻetau moʻuí.
ʻOku akoʻi au ʻe he meʻá ni:
Toe Fakataha mo Sīsū
Naʻe fakamatala ʻa ʻEletā Sitīvenisoni ʻo kau ki ha ongo tamaiki fefine naʻe mālōlō hona mehikitangá. Naʻe ʻeke ange ʻe Lesa, ko e uaifi ʻo ʻEletā Sitīvenisoní, pe ʻokú na fēfē. Naʻá na loto-mamahi, ka naʻá na vahevahe ange ʻena fakamoʻoní kiate ia. Naʻá na ʻiloʻi naʻe fiefia hona mehikitangá pea ʻoku lava pē ke ne nofo ia mo Sīsū. ʻOku fakafiemālieʻi kitautolu ʻe he tui kia Sīsū Kalaisí mo e moʻui taʻengatá.
ʻOku akoʻi au ʻe he meʻá ni:
Fakamoʻoni ʻi ha Pasi
Naʻe lea ʻa ʻEletā Kōpiti fekauʻaki mo ha fefine naʻe talanoa ki ai ʻi ha pasi. Naʻá ne ʻeke ange pe ko e hā ʻoku tui ai kia Sīsū Kalaisí. Naʻe ʻikai ke ne fakapapauʻi pe ko e hā te ne lea ʻakí. Pea naʻá ne fakakaukau leva ke tukutaha ʻene tokangá ki he meʻa ʻoku mahuʻinga tahá. Naʻá ne talaange ʻoku tau fiemaʻu ʻa Sīsū ke tokoniʻi kitautolu ke tau toe foki ki he Tamai Hēvaní. Te tau lava foki ʻo vahevahe mo ʻetau fakamoʻoní.
ʻOku akoʻi au ʻe he meʻá ni:
Ko Hono Fafa ʻo e Ngaahi Maká
Naʻe vahevahe ʻe Sisitā Sionisoni ʻa e founga ʻoku tatau ai ʻa e ngaahi meʻa faingataʻa ʻi he moʻuí mo hano fafa holo ha fuʻu kato ʻoku fonu maka. ʻOku tau fafa ha ngaahi maka koeʻuhí ko ʻetau ngaahi angahalá, ko e anga taʻeʻofa ʻa e niʻihi kehé, pea mo e ngaahi faingataʻa ʻo e moʻuí. ʻOku tokoni ʻa Sīsū Kalaisi ke fakamaʻamaʻa ʻetau ngaahi kató kapau te tau kole tokoni kiate Ia. Te tau lava foki ʻo tokoni ke fakamaʻamaʻa ʻa e ngaahi kato ʻa e niʻihi kehé ʻaki ʻetau tokangaʻi kinautolu ʻo hangē ko ia naʻe mei fai ʻe Sīsuú.
ʻOku akoʻi au ʻe he meʻá ni: