Ko ha Pōpoaki Konifelenisi mei he Palōfitá
Hoko ko ha Tokotaha Faʻa Fakalelei
Toʻo mei he “Fiemaʻu ha Kau Faʻa Fakalelei,” Liahona, Mē 2023.
ʻI heʻetau hoko ko e kau ākonga ʻa Sīsū Kalaisí, kuo pau ke tau hoko ko e ngaahi sīpinga ki he anga ʻo e feohi mo e niʻihi kehé. Ko e taha ʻo e ngaahi founga faingofua taha ke ʻiloʻi ai ha tokotaha muimui moʻoni ʻo Sīsū Kalaisí, ko e lahi ʻo e angaʻofa ʻa e tokotaha ko iá ki he kakai kehé.
Naʻe fakamahinoʻi ʻeni ʻe he Fakamoʻuí. Naʻá Ne folofola, “ʻOku monūʻia ʻa e faʻa fakaleleí,” (Mātiu 5:9; vakai foki, 3 Nīfai 12:9). ʻOku langaki, hiki hake, fakalotolahiʻi, mo ueʻi fakalaumālie ʻa ʻEne kau ākonga moʻoní—neongo pē ko e hā hono faingataʻa ʻo e tūkungá. ʻOku hoko ʻa e kau ākonga moʻoni ʻa Sīsū Kalaisí ko ha kau faʻa fakalelei.
ʻOku mahuʻinga moʻoni ʻa e founga ʻetau fetauhiʻakí! ʻOku mahuʻinga ʻaupito ʻa e anga ʻo ʻetau talanoa ki he niʻihi kehé pea fekauʻaki mo kinautolu ʻi ʻapí, ʻi he lotú, mo e ʻinitanetí. Te tau lava ʻo liliu ʻa e māmaní—ʻi he anga ʻo ʻetau feohi fakatāutahá.
Ko e faikehekehé ko ha konga ia ʻo e moʻuí. Tau fakahaaʻi muʻa ʻoku ʻi ai ha founga fakaʻapaʻapa ki hono fakaleleiʻi ʻo e ngaahi taʻefelotoí. Lotu ke ke maʻu ʻa e loto-toʻa mo e poto ke lea ʻaki mo fai ʻa e meʻa naʻe mei fai ʻe he Fakamoʻuí.
ʻOku ou tapou atu ke mou fili ke hoko ko ha tokotaha faʻa fakalelei, ʻi he ʻahó ni pea maʻu ai pē.
“Pea [Folofola] Ia ʻo Ne Akonaki Kiate Kinautolu” tā fakatātaaʻi ʻe Michael Malm
Te Tau Lava ʻo Liliu ʻa e Māmaní
Naʻe pehē ʻe Palesiteni Nalesoni ʻoku mahuʻinga ʻaupito ʻa e meʻa ʻoku tau faí mo lea ʻakí! Tohiʻi ʻi he feituʻu ʻatā ʻi laló ʻa e meʻa te ke lava ʻo lea ʻaki ke tokoni ki hono maʻu ʻo e melinó.
Ko e hā te ke lava ʻo lea ʻaki ki ha taha ʻoku loto-mamahi?
Ko e hā te ke lava ʻo lea ʻaki ʻi he taimi ʻoku ʻave ai ʻe ha taha haʻo meʻa?
Ko e hā te ke lava ʻo lea ʻaki ʻi he taimi ʻoku angakovi ai ha taha kiate koe?