Përshëndetje nga Kepi i Gjelbër!

Mëso rreth fëmijëve të Atit Qiellor kudo nëpër botë.

flamuri i Kepit të Gjelbër

Ilustrimet nga Carolina Farías

Kepi i Gjelbër është një vend ishullor pranë bregut të Afrikës Perëndimore. Rreth 480 mijë njerëz jetojnë atje.

Gjuha

Dy vajza duke folur me njëra-tjetrën

Portugalishtja është gjuha zyrtare. Njerëzit flasin gjithashtu dhe kreolishten e Kepit të Gjelbër ose gjuhën kriolu e cila bazohet te portugalishtja.

Vullkanet

Një vullkan

Kepi i Gjelbër ka 10 ishuj, të cilët u krijuan nga vullkanet. Vullkani më i madh aktiv quhet Piko‑do‑Fogo [Maja e Zjarrit]. Ai është 2829 metra i lartë.

Feja

Një ndërtesë e kishës

Rreth 80 përqind e njerëzve janë katolikë. Atje ka rreth 16 mijë anëtarë të Kishës sonë.

Muzika

Një familje duke kënduar

Vendasit e Kepit të Gjelbër e duan shumë muzikën! Ata zakonisht këndojnë në kreolisht dhe muzika e tyre ka stile të ndërthurura nga Portugalia, Brazili dhe Afrika Perëndimore.

Tempulli i Prajës

Tempulli i Prajës në Kepin e Gjelbër

Tempulli i parë i Kepit të Gjelbër u përkushtua vitin që shkoi!

Veprimtaria

Loja me Tregimin

Një grup fëmijësh duke qëndruar në një rresht

Ja tek është një lojë që mund ta luash! Një person largohet nga dhoma. Të tjerët thonë një tregim rreth një burri që shkon të peshkojë në det. Ndërkohë që ata flasin, i kalojnë një send dorë më dorë njëri‑tjetrit. Tregimi përfundon gjithnjë me fjalët: “dhe peshku i vogël ngordhi”. Kushdo që e ka në dorë sendin kur tregimi përfundon, e fsheh atë prapa kurrizit të vet. Personi që u largua, hyn sërish brenda dhe gjen se kush e ka sendin. Nëse hamendëson saktë, personi që e kishte objektin, largohet nga dhoma. Nëse hamendëson gabim, ai largohet përsëri nga dhoma dhe tregimi fillon nga e para.

Receta

Kaçupa (Gjellë tipike e Kepit të Gjelbër)

Një tas gjellë

1. Prit 1 qepë në kubikë dhe 6 thelpinj hudhër. Më pas fërgoji ato në një tigan me pak vaj.

2. Hidhe qepën dhe hudhrën në një tenxhere të madhe. Shto 1 konservë domatesh, 1 konservë misri dhe 2 konserva fasulesh të kuqe.

3. Shto 1 kg mish, si mish derri, salsiçe, mish viçi ose peshk.

4. Hidh ujë aq sa të mbulohet gjithçka në tenxhere. Gatuaje në zjarr të ulët për të paktën dy orë.

Shënim: Ka mënyra të shumta për ta bërë kaçupën. Mund të shtosh lloje të ndryshme mishi, fasulesh dhe perimesh nëse dëshiron!

Këshilla të Shëndetshme

Fibra Fantastike

Fasulet, frutat e pyllit dhe arroret

Fasulet kanë shumë fibra, të cilat t’i nxjerrin jashtë bakteret dhe ndihmojnë për ta përpunuar më lehtë ushqimin në trupin tënd. Mund të marrësh fibra gjithashtu nga drithërat e plota, frutat e pyllit dhe arroret.