E poro’i nā te peropheta i te ’āmuira’a
’Ei ta’ata fa’atupu hau
Tīpe’ehia mai roto mai « Hina’arohia te feiā fa’atupu i te hau », Liahona, Mē 2023.
’Ei pipi nā Iesu Mesia, e ti’a ia tātou ’ia riro ’ei hi’ora’a i roto i te huru nō te ’ohipara’a ’e ’ō vetahi ’ē. Hō’ē o te mau rāve’a ’ōhie roa a’e nō te ’ite e aha te hō’ē pipi mau nā Iesu Mesia ’o te huru aroha ïa o te reira ta’ata i ni’a i te tahi atu mau ta’ata.
’Ua parau te Fa’aora ma te pāpū. « E ao tō tei fa’atupu i te parau hau ra », tāna ïa parau (Mataio 5:9 ; hi’o ato’a 3 Nephi 12:9). ’Ua patu, ’ua fa’ateitei, ’ua fa’aitoito ’e ’ua fa’auru tāna mau pipi mau i te ta’ata—noa atu te fifi o te ’ohipa. E feiā fa’atupu i te hau te mau pipi mau nā Iesu Mesia.
E mea faufa’a mau tō tātou huru i ni’a i te tahi ’e te tahi ! E mea faufa’a mau tā tātou huru paraparaura’a ia vetahi ’ē ’e tā tātou paraparaura’a i te fare, i te fare purera’a ’e i ni’a i te natirara. E nehenehe tā tātou e taui i te ao nei, hō’ē ta’ata ’e hō’ē ’ohipa i te taime hō’ē.
Te mau ta’a-’ē-ra’a, e tuha’a te reira nō te orara’a. E mata nā tātou i te fa’a’ite ē, tē vai ra te hō’ē huru tura nō te fa’atiti’aifaro i te mau fifi. ’A pure ’ia roa’a te itoito ’e te pa’ari nō te fa’a’ite atu ’aore rā nō te rave atu i te mea tāna e rave.
Tē fa’aitoito atu nei au ia ’outou ’ia mā’iti ’ia riro ’ei feiā fa’atupu i te hau, i teienei ’e i te mau taime ato’a.
« And He Opened His Mouth and Taught Them [’Ua ha’amama a’era i tōna vaha ’e ’ua ha’api’i ia rātou] » nā Michael Malm
E nehenehe tā tātou e taui i te ao nei
’Ua parau te peresideni Nelson ē, te mea tā tātou e rave ’e e parau, e mea faufa’a mau ïa ! I te mau vāhi ’aita i pāpa’ihia i raro nei, ’a pāpa’i i te mea tā ’oe e nehenehe e parau nō te tauturu i te fa’atupu i te hau.
E aha tā ’oe e nehenehe e parau i te ta’ata ’oto ?
E aha tā ’oe e nehenehe e parau i te ta’ata e haru i tā ’oe tauiha’a ?
E aha tā ’oe e nehenehe e parau i te ta’ata e ’a’a ia ’oe ?