Nā te Peresidenira’a Mātāmua

Nāhea ’oe ’ia riro ’ei misiōnare

Nā te peresideni Russell M. Nelson

Fa’atanohia nā roto mai i te « Porora’a i te ’Evanelia o te hau », Liahona, Mē 2022, 6–7 ; ’e « ’Ei ha’apa’ora’a rā ’oe nā tei fa’aro’o ra », Liahona, Novema 2010, 47–49.

’Ua parau te Fatu i tāna mau pipi ’ia « haere … e ’ati a’e i te ao nei, e poro i te ’evanelia i te mau ta’ata ato’a » (Mareko 16:15). E ti’a i te mau ta’ata ato’a ’ia fāna’o nō te ’ite i hea rātou e nehenehe ai e ’ite i te ti’aturira’a ’e te hau o Iesu Mesia. E hōpoi’a mo’a nā tātou tāta’itahi ’ia fa’a’ite i te hau o Iesu Mesia i te mau ta’ata ato’a e fa’aro’o mai.

E nehenehe ’outou e tauturu ia vetahi ’ē ’ia ’ite mai i te hau o te ’evanelia nā roto i te :

• Rirora’a ’ei hi’ora’a maita’i.

• Pe’era’a ia Iesu Mesia ’ia nehenehe i tōna māramarama ’ia ’ana’ana i roto i tō ’outou mata.

• Fa’arahira’a i te rahira’a o tō ’oe mau hoa.

• Ani-manihini-ra’a i te hō’ē hoa ’ia tai’o i te Buka a Moromona.

• Ani-manihini-ra’a i te hō’ē hoa ’ia haere mai i te purera’a ’aore rā, i te hō’ē ’ātivite nā muri ia ’oe.

E nehenehe ato’a ’oe e fa’aoti e tāvini i te hō’ē misiōni ’ia pa’ari mai ’oe. E ha’amaita’i te reira ia ’oe ’e te tahi atu mau ta’ata.

Hō’ē ’atira’a hoa

Fa’ahōho’ara’a nā Garth Bruner

I roto i te hōho’a i raro nei, ’a hi’o nā e hia hoa i roto i te hō’ē ’ātivite a te Paraimere e :

• Rouru ’ere’ere

• Piriaro re’are’a

• Rouru firi

• Tīti’a mata

• Pūte tua matie

• Mau tīa’a ’ute’ute

• Pārahira’a tūra’i

• Pōpō tu’e