Mau ʼāʼamu nō Iesu

’Ua ani mai Iesu ia tātou ’ia fa’a’ite i te ’evanelia

’A tātara i teie ’api ’e ’a tūfetu i te reira nā te ’āfara’a. I muri iho, ’a tāpe’a i te hōho’a ’a fa’ati’a ai ’oe i te ’ā’amu.

I muri a’e i tō Iesu ti’afa’ahoura’a, ’ua haere ’oia e fārerei i tāna mau ’āpōsetolo. ’Ua hōro’a ’oia ia rātou i te i’a ’e te faraoa nō te ’amu.

’Ua ani Iesu ia Petero, « ’ua here ānei ’oe iā’u ? »

’Ua pāhono Petero ’ē. I muri iho ’ua parau Iesu, « ’a fa’a’amu i tā’u mau māmoe ».

’Ua ui atu Iesu ia Petero e piti fa’ahou taime. « ’Ua here ānei ’oe iā’u ? »

E piti taime ’ua parau Petero ’ē. ’E e piti taime ’ua parau Iesu, « ’a fa’a’amu i tā’u mau māmoe ».

’Ua ha’api’i mai Petero ē, tē ani mai ra Iesu iāna ’ia fa’a’ite i te ’evanelia. ’O Iesu tō tātou Tīa’i māmoe, ’e ’o tātou tāna mau māmoe.

E nehenehe tātou e fa’a’ite i tō tātou here ia Iesu nā roto i te tauturura’a ia vetahi ’ē ’ia ha’api’i mai nō ni’a iāna ’e ’ia pe’e iāna.

E nehenehe ’outou e tai’o i teie ’ā’amu i roto te Ioane 21:15–17.