E aha tā ’oe e mana’o ra ?

’Aita tō’u nā metua i tā’atihia i roto i te hiero. Tē aura’a ra, e’ita vau e riro ’ei tuha’a nō te hō’ē ’utuāfare mure ’ore ?

—Wondering i Varsovie

alt text

E Wondering here,

E tamari’i ’oe nō te mau metua i te ao ra. Hou ’oe ’a haere mai ai i ni’a i teie fenua, ’ua riro ’oe ’ei tuha’a nō tō rāua ’utuāfare. ’E e’ita roa te reira e taui ! Nō reira, noa atu te ’ohipa e tupu mai, e riro noa ’oe ’ei tuha’a nō te hō’ē ’utuāfare mure ’ore !

’Ua here roa te Metua i te ao ra ia ’oe, ’o ’oe ’e i tō ’oe nā metua. Tē hina’aro nei ’oia ’ia ho’i mai ’outou pā’āto’a iāna ra. E tāmau noa ’oia i te ha’amaita’i ’e i te arata’i ia ’oe ’e tō ’oe ’utuāfare. ’A pure iāna nō i tō ’oe mau ha’ape’ape’ara’a ’e e tāmāhanahana mai ’oia ia ’oe.

Mā te here,

Te Hoa

’A pāpa’i hōho’a i te mau melo tāta’itahi o tō ’oe ’utuāfare ’e te hō’ē mea tā ’oe e au nō ni’a ia rātou ! ’A ’imi i te maita’i i roto i tō ’oe ’utuāfare. ’A fa’a’ite i te mea tā ’oe e ’ite ra !

’Ua hau atu tō ’oe ’utuāfare ia ’oe ’e tō ’oe nā metua. Tō ’oe ’utuāfare ’o tō ’oe ïa mau metua tupuna, te mau taea’e fēti’i, ’e te feiā ato’a nō mua atu. I te hō’ē mahana, e nehenehe tō ’oe ’utuāfare e fa’aō mai tō ’oe hoa fa’aipoipo ’e tā ’ōrua mau tamari’i E ’utuāfare rarahi mau te reira !