Mau ’ā’amu nō te pāpa’ira’a mo’a

Te peropheta Petero

Fa’ahōho’araʼa nā Apryl Stott

I muri a’e i tō Iesu Mesia ti’afa’ahoura’a ’e ’a reva atu ai i ni’a i te ra’i, ’ua riro mai Petero ’ei peropheta.

’Ua ha’api’i Petero i te mau ta’ata nō ni’a i te bāpetizora’a ’e te Vārua Maita’i. E rave rahi tauatini ta’ata tei mā’iti ’ia bāpetizohia rātou !

I te hō’ē mahana ’ua ’ite Petero i te hō’ē ta’ata i rāpae’au i te hiero. E’ita tāna e nehenehe e haere. ’Ua parau Petero, « nā roto i te i’oa o Iesu Mesia, ’a ti’a i ni’a ’e ’a haere ».

’Ua fa’aorahia taua ta’ata ra nō tōna fa’aro’o ! ’Ua ha’api’i Petero i te mau ta’ata i te hiero nō ni’a ia Iesu Mesia.

E nehenehe ’oe e tai’o i teie ’ā’amu i roto Te ’Ohipa 2–3.