Tē paraparau ra Beniamina nō te ’ā’amu ’utuāfare

Nō Buenos Aires o Beniamina, i Rāparata. ’Ua uiui atu mātou iāna i te tahi mau ’uira’a nō ni’a i te ’ā’amu ’utuāfare.

Tamāroa e pārahi ra ma te tūfene te rima

Mea nāhea ’oe i te ha’amatara’a i te rave i te ’ā’amu ’utuāfare ?

’Ua ha’amata vau i te rave i te ’ā’amu ’utuāfare ’e tō’u pāpā. ’Ua rave ’āmui māua i te reira i te mau sābati ato’a. ’Ua tauturu mai tō’u pāpā iā’u ’ia ha’api’i mai e nāhea i te fa’a’ohipa i te FamilySearch. Tītauhia iā’u ’ia ha’api’i ’e ’ia ha’api’i ā. I teienei, tē rave nei au i te ’ā’amu ’utuāfare ’e tō’u pāpā ’aore rā ’e tō’u tuahine fēti’i o Jasmina.

Tamāroa e pārahi ra i mua te mātini rorouira

E aha tā ’oe e au roa nō ni’a i te ’ā’amu ’utuāfare ?

Mea au nā’u ’ia ’imi i te mau ta’ata ’āpī nō te tu’u atu i ni’a i tā’u tumu rā’au ’utuāfare. Nā mua, ’ua ’itehia mai iā’u te mau pāpa’a parau tahito. I muri iho e ’imi au i te mau i’oa o tō’u mau tupuna. E ’ite mai au tō rātou mahana fānaura’a ’e i hea rātou i te fānaura’ahia. E ’ite mai au i te tahi atu mau vāhi tā rātou i ora.

E aha tā ’oe i ha’api’i mai nō ni’a i tō ’oe mau tupuna ?

’Ua ha’api’i mai au ē e tupuna tō’u nō ’Ītālia ’e nō Helemani. Hō’ē o tō’u mau tupuna nō ’Ītālia, hō’ē ā i’oa tōna e tō’u taea’e ! Te i’oa o tō’u taea’e o « Santiago », ’oia ho’i o « Giacomo » nā roto i te reo ’Ītālia. ’Ua ha’api’i ato’a mai au ē, ’ua pāpa’i-ta’a-’ē-hia tō mātou i’oa hope’a [paera’a].

Tamāroa e tāpe’a ra i te paraneta o te fenua

Nāhea ’oe i te tauturu i te tahi atu mau ta’ata ’ia rave i te ’ā’amu ’utuāfare ?

Tē tauturu nei au i tō’u māmā rū’au ’ia fa’a’ohipa i te FamilySearch. ’Ua ha’api’i au iāna e nāhea ’ia tu’u i te mau ha’amana’ora’a. ’Ua tauturu ato’a vau iāna ’ia tu’u i te mau fēti’i tei pohe i ni’a i tāna tumu rā’au ’utuāfare. Vetahi o tōna mau fēti’i e rave rahi tō rātou i’oa ! E taime rahi tei tītauhia nō te tu’u atu ia rātou pā’āto’a i roto. ’Ua ’oa’oa roa rā vau i te tauturura’a iāna ’ia ha’api’i mai i te fa’a’ohipa te FamilySearch, mai tā tō’u pāpā i tauturu iā’u.

Niuniu ’e te hōho’a nō te hō’ē tamāroa e tārape rima i ni’a i te paruai

E aha te mau ’ōpuara’a ’ā’amu ’utuāfare tā ’oe e hina’aro e rave a muri a’e ?

Tē hina’aro nei au e hāmani i te mau video nā tō’u mau hoa ’e tō’u ’utuāfare fēti’i, nō te tauturu ia rātou ’ia ha’api’i mai i te fa’a’ohipa te FamilySearch. I tō’u ha’amatara’a, ’ua tītauhia iā’u ’ia ha’api’i rahi mai atu ā. Tē hina’aro nei au e ha’api’i i te tahi atu mau ta’ata ’ia nehenehe ia rātou ’ia nā reira ato’a.

PDF nō te ’ā’amu

Fa’ahōho’ara’a nā Laura Zarrin