« ព្យាការីពេត្រុស » ប្រិយមិត្ត ខែ កក្កដា ឆ្នាំ ២០២៣ ទំព័រ ៤៦–៤៧ ។
ដំណើររឿងក្នុងព្រះគម្ពីរ
ព្យាការីពេត្រុស
រចនារូបភាពដោយ អាព្រីល ស្តុត
បន្ទាប់ពីព្រះយេស៊ូវគ្រីស្ទបានមានព្រះជន្មឡើងវិញ ហើយបានយាងទៅស្ថានសួគ៌ ពេត្រុសបានក្លាយជាព្យាការី ។
ពេត្រុសបានបង្រៀនប្រជាជនអំពីពិធីបុណ្យជ្រមុជទឹក និងព្រះវិញ្ញាណបរិសុទ្ធ ។ ប្រជាជនរាប់ពាន់នាក់បានជ្រើសរើសធ្វើពិធីបុណ្យជ្រមុជទឹក !
ថ្ងៃមួយពេត្រុសបានឃើញបុរសម្នាក់នៅខាងក្រៅព្រះវិហារ ។ បុរសនោះមិនអាចដើរបានទេ ។ ពេត្រុសបាននិយាយថា « ដោយសារព្រះនាមនៃព្រះយេស៊ូវគ្រីស្ទ ចូរអ្នកក្រោកឡើង ដើរទៅចុះ » ។
បុរសនោះបានជាសះស្បើយដោយសារជំនឿរបស់គាត់ ! ពេត្រុសបានបង្រៀនប្រជាជននៅព្រះវិហារបរិសុទ្ធអំពីព្រះយេស៊ូវគ្រីស្ទ ។