Tō tātou mau hoa ’āpī here,

Tē ti’aturi nei mātou ē, e ’oa’oa ’outou i teie ve’a ta’a ’ē o te Hoa. Te tā’ato’ara’a o te reira, nō ni’a ïa i te bāpetizo-ra’a-hia ’e te ha’amau-ra’a-hia.

Mai te mea nō bāpetizo-noa-hia iho nei ’outou, maeva ia ’outou ’ei melo ’āpī nō Te ’Ēkālesia a Iesu Mesia i te Feiā Mo’a i te mau Mahana Hope’a nei !

’Ia bāpetizo-ana’e-hia ’outou, tē pe’e ra ïa ’outou i te hi’ora’a ’o tō tātou Fa’aora, ’o Iesu Mesia. ’Ua fafau ’outou ’ia ha’amana’o i te Fa’aora ’e ’ia ha’apa’o i tāna mau fa’auera’a. Teie mau parau fafau e parauhia te mau fafaura’a. ’Ia ha’amau-ana’e-hia ’outou, e fāri’i ’outou i te hōro’a o te Vārua Maita’i. E nehenehe te Vārua Maita’i e tāmāhanahana, e arata’i ’e e fa’uru ia ’outou i te roara’a o tō ’outou orara’a.

Mai te mea ’ua bāpetizo-a’ena-hia ’outou, tē fa’aitoito atu nei mātou ia ’outou ’ia ha’amana’o i te fafaura’a tā ’outou i rave i te bāpetizora’a ’e ’ia tāmata i te pe’e ia Iesu i te mau mahana ato’a.

Mai te mea ’aita ā ’outou i bāpetizohia, tē ti’aturi nei mātou ē, e fa’aineine ’outou nā roto i te ha’api’ira’a hau atu nō ni’a i teie ta’ahira’a faufa’a rahi.

Tē te’ote’o roa nei mātou ia ’outou tāta’itahi. ’Ua ’ite mātou ē, tē tīa’i māite nei te Metua i te ao ra ia ’outou. ’Ua here roa ’oia ia ’outou ’e mātou ato’a.

Te Peresidenira’a Mātāmua