Tā’u fafaura’a nō te bāpetizora’a

Te hō’ē fafaura’a, ’o te hō’ē ïa euhe tā tātou e rave ’e te Metua i te ao ra. ’A tai’o i nā ’ohipa e toru tā tātou e euhe e rave ’ia bāpetizo-ana’e-hia tātou. I muri iho, ’a pāpa’i i te mea tā ’oe e nehenehe e rave nō te ha’apa’o i tā ’oe fafaura’a nō te bāpetizora’a !

E ha’amana’o tāmau noa ia Iesu Mesia.

« [E] ha’amana’o ā iāna ē a muri noa atu » (Moroni 4:3).

I te ’itera’a Elena ia vetahi ’ē i te ’inora’a i ni’a i te hō’ē ta’ata, ’ua feruri ’oia i te ’ohipa tā Iesu e rave.

Nāhea vau e nehenehe ai e ha’amana’o ia Iesu : __________

E ha’apa’o i tāna mau fa’auera’a

« [E] ha’apa’o maita’i i tāna mau fa’aue » (Moroni 4:3).

’Ua mā’iti Iakobo ’eiaha e māta’ita’i i te video e parau ’ino ’e e hōho’a ’ino tō roto.

Hō’ē fa’auera’a tā’u e nehenehe e ha’apa’o : __________

E rave i tōna i’oa i ni’a ia ’oe

« [E] rave i te i’oa o [Iesu Mesia] i ni’a iho ia [’oe] » (Moroni 4:3).

’Ua parau Nana i tōna hoa ē, e melo ’oia nō Te ’Ēkālesia a Iesu Mesia i te Feiā Mo’a i te mau Mahana Hope’a nei.

E aha te aura’a nō’u te ravera’a i tōna i’oa i ni’a iho iā’u : __________

Ha’apa’ora’a i tā’u fafaura’a

Teie te tahi atu mau rāve’a nō te ha’apa’o i tā ’outou fafaura’a nō te bāpetizora’a.

Tauturu i te ta’ata

« ’Ia amo te tahi i tā te tahi mau hōpoi’a, ’ia māmā te reira » (Mosia 18:8).

’Ua tauturu Akio i tōna teina taea’e i roto i tāna ’ohipa nūmera nō te ha’api’ira’a.

’O vai tā’u e nehenehe e tauturu : __________

’A tātarahapa ’ia rave ana’e ’oe i te hape.

« ’Ia tātarahapa ’e ’ia fānau-fa’ahou-hia » (Alama 5:49).

I muri a’e i tō Isa paraura’a i te hō’ē parau au ’ore i ni’a i tōna tuahine, ’ua pure ’oia i te Metua i te ao ra. I muri iho, ’ua ani ’oia i tōna tuahine ’ia fa’a’ore mai i tāna hapa.

Nāhea vau e nehenehe ai e tātarahapa : __________

Tāmāhanahana ia vetahi ’ē

« ’Ia tāmāhanahana ia rātou ’o tē au ’ia tāmāhanahanahia » (Mosiah 18:9).

’Ua haere Lucas e fārerei i tōna hoa, ’ua pohe te pāpā rū’au.

Nāhea vau e nehenehe ai e tāmāhanahana i te hō’ē ta’ata : ___

Tō ’oe ha’amaura’a

I muri a’e i tō ’oe bāpetizora’a, e tu’u te hō’ē taea’e tei mau i te autahu’ara’a i tōna rima i ni’a i tō ’oe upo’o.

E ha’amau ’oia ia ’oe ’ei melo nō Te ’Ēkālesia a Iesu Mesia i te Feiā Mo’a i te mau Mahana Hope’a nei, ’e e ha’amaita’i ’oia ia ’oe ’ia fāri’i i te hōro’a o te Vārua Maita’i (hi’o Te Ha’api’ira’a Tumu ’e te mau Fafaura’a 33:15).

E aha tā te Metua i te ao ra e euhe mai ia ’oe

’Ia bāpetizo-ana’e-hia tātou ’e ’ia ha’amauhia, e euhe mai te Metua i te ao ra ia tātou ē, e vai noa tōna Vārua i roto ia tātou. E tauturu te Vārua Maita’i ia tātou ’ia ’ite i te here, te tāmāhanahana ’e te hau o te Atua. E tauturu ato’a ’oia ia tātou ’ia ’ite ’ua fa’a’orehia tā tātou hapa, ’ia tātarahapa ana’e tātou.

E nehenehe ’oe e ’apo rahi mai ā nō ni’a i tā ’oe fafaura’a nō te bāpetizora’a, nā roto i te fa’aro’ora’a i te mau pure o te ’ōro’a mo’a i te hepetoma tāta’itahi (hi’o Te Ha’api’ira’a Tumu ’e te mau Fafaura’a 20:77, 79).

Fa’ahōho’ara’a nā Kelly Smith