« Te fa’aro’ora’a i te Vārua Maita’i », Hoa, ’Ātete 2023, 21.
Te fa’aro’ora’a i te Vārua Maita’i
Fa’ahōho’ara’a nā Xavier Bonet
I te tau ve’ave’a i ma’iri a’e nei, ’ua haere tō’u ’utuāfare nā ni’a i te mou’a. Tē toro ra te ’ē’a i te hō’ē tahera’a pape. ’Ua tātara tō’u tua’ana tuahine, tō’u teina taea’e ’e ’o vau i tō mātou mau tia’a ’e ’ua haere atu i roto i te pape.
I te mo’e-ri’i-ra’a tō’u turi ’āvae i roto i te pape, ’ua fa’aea mātou. ’Ua ’ite atu mātou i te hō’ē pupu tamari’i pa’ari a’e e ha’uti ra i roto i te pape hōhonu a’e. ’Ata’ata a’era tō’u tuahine ’e nā ’ō mai ra, « e haere ana’e tātou i te vāhi hōhonu ri’i a’e ! »
Tē parau mai ra rā te hō’ē reo i roto i tō’u upo’o ’ia fa’aea noa i pīha’i iho i tō’u teina taea’e. ’Ua ’ite au ’o te Vārua Maita’i teie. ’Ua parau atu vau i tō’u tuahine, e nehenehe ’oia e haere atu e hi’o i te reira, tō’u rā teina taea’e ’e ’o vau, e fa’aea noa māua.
I te ho’ira’a mai tō’u tuahine, ’ua parau mai ’oia e mea hā’uti’uti roa te pape ’e mea fifi roa ’ia haere nā roto. I tōna paraura’a mai i te reira, ’ua ’ite au ē, ’ua rave au i te mā’itira’a ti’a ’ia vai pāruruhia vau ’e tō’u teina.