« E nehenehe au e pe’e ia Iesu Mesia », Hoa, ’Ātete 2023, 40–41.
E nehenehe au e pe’e ia Iesu Mesia
’Ua tāvini Iesu ia vetahi ’ē (hi’o Ioane 13:5, 13–17). E nehenehe au e ’ite i te mea tā te ta’ata e hina’aro nei ’e ’ia rave maita’i a’e nō te tauturu.
E fa’aō mai Iesu ia vetahi ’ē (hi’o Mareko 10:14). E nehenehe au e fa’aō mai ia vetahi ’ē ’e ’ia riro ’ei hoa nō te feiā e mana’o nei, ’ua vaiihohia i te hiti.
’Ua pure Iesu nō vetahi ’ē (hi’o 3 Nephi 17:15–18). E nehenehe au e parauparau i te Metua i te ao ra nā roto i te pure. E nehenehe au e ani iāna ’ia ha’amaita’i ato’a ia vetahi ’ē.
E fa’a’ore Iesu i te hapa a vetahi ’ē (hi’o Ioane 8:11). E nehenehe au e faʼaʼore ato’a i te hapa a vetahi ʼē. ’E ’ia rave ana’e au i te hō’ē mā’itira’a hape, e nehenehe au e parau, « ’a fa’a’ore mai tā’u hape ».
’Ua ha’api’i Iesu i te ’evanelia (hi’o Mataio 5:1–9). E nehenehe au e faʼaʼite i te ’evanelia ia vetahi ’ē. E nehenehe au e ha’api’i i te ta’ata nō ni’a ia Iesu.
’Ua riro ’o Iesu ’ei hi’ora’a maita’i roa (hi’o Ioane 13:15). E nehenehe au e rave maita’i a’e nō te pe’e ia Iesu. E nehenehe ato’a vau e riro ’ei hi’ora’a nō vetahi ’ē.
Fa’ahōho’ara’a nā Olga Lee