Mā’imira’a tao’a a te ’Ēkālesia

Fa’ahōho’ara’a nā Dave Klüg

Te ’Ēkālesia e vāhi ïa i reira ’oe e nehenehe ai e ha’api’i mai, e ’ārearea ’e e tauturu ia vetahi ’ē. ’A hi’o na, e hia rahira’a ’ohipa i ni’a i teie tāpura tā ’oe e nehenehe e rave !

• Aroha rima i tō ’oe ’episekōpo ’aore rā, peresideni ’āma’a

• Tauturu i te fa’anahora’a i te mau pārahira’a ’aore rā te ’ohira’a i te pehu

• Ha’api’i i te hō’ē hīmene ’aore rā, hō’ē hīmene Paraimere

• Pūpū i te tauturu i roto i te Paraimere

• Fa’aro’o i te mau a’ora’a i roto i te purera’a ’ōro’a

• Ha’api’i i te i’oa o te hō’ē ta’ata i roto i te Paraimere

• Fa’a’ite i te mau pāpa’ira’a mo’a i te hō’ē ta’ata

• Ha’amāuruuru i tā ’oe ’orometua o te Paraimere

• Fa’aro’o ia vetahi ’ē ’ia parauparau ana’e rātou

• Pāhono i te uira’a i roto i te piha ha’api’ira’a

• E ani i tō ’oe ti’a fa’atere Paraimere i te Buka arata’i nā te mau tamari’i

• Parauparau i te hō’ē ta’ata ’āpī

Te mau pāroita ’e te mau ’āma’a

Hō’ē pāroita ’aore rā ’āma’a ’o te hō’ē ïa pupu ta’ata e putuputu ’āmui mai nō te purera’a. E mea na’ina’i a’e te mau ’āma’a i te mau pāroita. E arata’ihia te mau ’āma’a e te mau peresideni ’āma’a ’e e arata’ihia te mau pāroita e te mau ’episekōpo.