« ’Ua fa’a’ite mai Iesu ia tātou i te ’ē’a, » Hoa, ’Ātete 2023, 4–5.
’Ua fa’a’ite mai Iesu ia tātou i te ’ē’a
Fa’ahōho’ara’a nā Dan Burr
E tamaiti Iesu Mesia nā te Metua i te ao ra ’Ua haere mai ’oia i te fenua nei nō te fa’a’ite ia tātou, e nāhea e ti’a ai ia tātou ’ia ho’i i te Metua i te ao ra i te hō’ē mahana. ’Ua bāpetizohia Iesu. ’Ua ha’api’i ’oia ē, ’ia bāpetizo-ato’a-hia tātou e ti’a ai.
’Ua fa’a’ite mai Iesu ia tātou e nāhea ’ia ora. ’Ua here ’e ’ua tauturu ’oia i te mau ta’ata ato’a. Tē hina’aro nei ’oia ia tātou ’ia pe’e iāna.
’Ua ’ite Iesu i tō tātou mau pe’ape’a ato’a ’e ’ua māuiui ’oia nō tā tātou mau hara. I muri iho, ’ua pohe ’oia nō tātou. E parauhia te reira te tāra’ehara a Iesu Mesia. ’Ua ti’afa’ahou ’oia. Te aura’a tē ora nei ’oia i teie mahana ! Maoti Iesu Mesia, e ora fa’ahou mai tātou i muri a’e i tō tātou pohera’a.
’Ua rave Iesu i teie mau mea ato’a nō tātou, nō te mea ’ua here ’oia ia tātou. Maoti ’oia, e nehenehe tātou e ora ni’a i te ra’i ’e tō tātou mau ’utuāfare i te hō’ē mahana.
E nehenehe tātou e pe’e ia Iesu nā roto i te bāpetizora’ahia. E nehenehe ato’a tātou e pe’e iāna i te mau mahana ato’a, ’ia here ’e ’ia tauturu ana’e tātou ia vetahi ’ē ’e ’ia ha’apa’o i tāna mau fa’auera’a.