Te pe’e-’āmui-ra’a ia Iesu

’Ua mā’iti au e haere nā ni’a i te hō’ē ’ē’a ’āpī ’e ’ia pe’e ia Iesu Mesia ’a bāpetizohia ai au. E mea ’ōhie mau tō’u bāpetizora’a, ’e vārua ta’a ’ē rā i reira ’e e au ē, e ta’ata ’āpī au. Tē hina’aro nei au e tāvini i te hō’ē misiōni rave tāmau.

Happiness D., 9 matahiti, Accra, Ghana

’Ua tāmata vau i te pe’e ia Iesu mai tō’u bāpetizora’ahia nā roto i te hāmani maita’i i tō’u tuahine ’aiū. E tauturu vau i te tūra’ira’a i tōna pere’o’o tamari’i. E ’oa’oa vau ’ia hāmani maita’i ana’e au, ’e ’ua ’ite au e fa’a’oa’oa ato’a te reira ia Iesu.

Simon P., 9 matahiti, Massachusetts, Marite

E pe’e au ia Iesu nā roto i te pure, te herera’a ia vetahi ’ē, ’e te noa’ara’a te fa’aro’o.

Yoreli T., 6 matahiti, Zumpango, Mehiko

I te mahana nō Noela, ’ua hōpoi atu māua tō’u metua tāne i te mā’a nā te feiā ’aita e nohora’a. E mea ’ārearea roa ! Te pe’era’a ia Iesu e fa’a’oa’oa ïa iā’u.

Akari F., 9 matahiti, Chiba, Tāpōnē

E pe’e au ia Iesu nā roto i te tai’ora’a i tā’u mau pāpa’ira’a mo’a ’e te pe’era’a i tāna mau fa’auera’a.

Luke W., 9 matahiti, Wyoming, Marite

E pe’e au ia Iesu nā roto i te herera’a i tō’u ’utuāfare ’e te rirora’a ’ei tauturu iti nō tō’u māmā.

Chloe D., 4 matahiti, Tuha’a fenua nō National Capital, Firipino

I te mau taime ato’a e pure au, e tai’o i te mau pāpa’ira’a mo’a, ’aore rā e rave i te hō’ē ’ohipa maita’i, e ’oa’oa vau. Mai te huru ra ē, ’ua tauahihia vau e te hō’ē ta’ata tā’u i here. ’Ua ’ite au ’o te Vārua Maita’i ïa.

Caileen D., 6 matahiti, Tuha’a fenua nō National Capital, Firipino

E ’ite au i te Vārua Maita’i, ’ia fa’aruru ana’e au i te mau taime fifi. E tauturu te reira iā’u ’ia maita’i roa atu.

Hunter O., 11 matahiti, North Carolina, Marite

E ’ite au i te Vārua Maita’i ’ia tāmarū ana’e au i tō’u ferurira’a ’e ’ia mā’iti au i te maita’i. ’Ia fa’aro’o ana’e au i tō’u māmā ’e tō’u pāpā, e nehenehe au e ’ite i te Vārua Maita’i i pīha’i iho iā’u.

Oliver B., 10 matahiti, Washington, Marite

E mea māhanahana te Vārua Maita’i ’e te ha’apūai. Tei reira te Vārua Maita’i nō ’oe ’ia hina’aro ana’e ’oe, nā te reira e fa’ariro iāna ’ei mea ta’a ’ē mau.

Aisea A., 9 matahiti, Tuha’a ropu, Fiji

E fa’atupu te Vārua Maita’i i te ’oa’oa, te māuruuru ’e te pūai i roto iā’u.

Hailey G., 7 matahiti, Santa Cruz, Pōrīvia

I tō’u bāpetizora’ahia, ’ua to’eto’e au nō te pape. ’E i te otira’a, ’ua ’ite au i te māhanahana ’e te mā. Nā roto i tō’u bāpetizora’ahia, ’ua rave au i te hō’ē ta’ahira’a rahi nō te haere i te Mesia ra ’e i tō tātou Metua i te ao ra.

Malayla S., 8 matahiti, Yukon, Tanata