Nāhea tātou ’ia pure ?

Te pure ’o te rāve’a ïa ’ia parauparau tātou i te Metua i te ao ra. E hina’aro tāmau noa ’oia e fa’aro’o ia ’oe, ’e e fa’aro’o tāmau noa ’oia. E pāhono ’oia i tā ’oe mau pure nā roto e rave rahi rāve’a. E nehenehe ’oia e hōro’a ia ’oe i te hō’ē muhumuhu ’aore rā, i te hō’ē nino’a mana’o, nā roto mai i te Vārua Maita’i. ’Aore rā e nehenehe ’oia e muhumuhu i te tahi atu ta’ata nō te tauturu ia ’oe.

Nāhea ’ia pure

• ’A tāpiri i tō ’oe mata, ’a pi’o i tō ’oe upo’o ’e ’a tīfene i tō ’oe nā rima.

• Ha’amata ma te parau, « E te Metua here i te ao ra ».

• ’A parauparau i te Metua i te ao ra ma te fa’atura ’e te auraro.

• ’A fa’aoti ma te parau, « Nā roto i te i’oa o Iesu Mesia ra, ’āmene ».

• E nehenehe ’oe e pure ma te reo pūai ’aore rā, i roto i tō ’oe ferurira’a i te mau taime ato’a.

Teie te tahi mau mea e nehenehe ai ’oe e pure :

• Ha’amāuruuru i te Metua i te ao ra nō te mau mea tā ’oe e māuruuru nei.

• ’A fa’a’ite iāna i te mau mea teimaha ’aore rā, te mau mea maita’i tei tupu nō ’oe i te reira mahana.

• ’A ani iāna i te tauturu ’ia ri’ari’a ana’e ’oe ’aore rā ’aita ana’e ’oe i ’ite e aha te rave.

• ’A ani iāna ’ia ha’amaita’i i te tahi atu ta’ata tei hina’aro i te tauturu.

Tē ha’amāuruuru nei au ia ’oe…