« Te tupura’a mai ia Iesu ’e te fa’anahora’a a te mau tamari’i ’e te feiā ’āpī », Hoa, ’Ātete 2023, 41.
Te tupura’a mai ia Iesu ’e te fa’anahora’a a te mau tamari’i ’e te feiā ’āpī
E nehenehe te fa’anahora’a a te mau tamari’i ’e te feiā ’āpī e tauturu ia ’oe ’ia riro hau atu ā mai ia Iesu Mesia nā roto i te haerera’a i te mau ’ātivite a te Paraimere, te ha’amaura’a i te mau fā ’e te ’apora’a mai i te ’evanelia. E nehenehe ato’a te reira e tauturu ia ’oe ’ia tāmata i te mau mea ’āpī ’e ’ia ’ārearea ! E nehenehe te Buka arata’i nā te mau tamari’i e tauturu ia ’oe ’ia ha’amata. Mai te mea ’aita tā ’oe, ’a ani atu i tō ’oe ’orometua Paraimere i te hō’ē buka.
E nehenehe ’oe e tupu i te pae ferurira’a nā roto i te ha’api’ira’a i te hō’ē mea ’āpī.
E nehenehe ’oe e tupu i te pae tino nā roto i te fa’a’eta’etara’a i te tino ’aore rā te ha’api’ipi’ira’a i te hō’ē ’aravihi.
E nehenehe ’oe e tupu i te pae vārua nā roto i te ha’api’ira’a rahi atu ā nō ni’a i te ’evanelia.
E nehenehe ’oe e tupu i te pae sōtiare nā roto i te fa’atupura’a i te auhoara’a ’e vetahi ’ē.
Fa’ahōho’ara’a nā Jimmy Holder