« ការធ្វើតាមព្រះយេស៊ូវជាមួយគ្នា » ប្រិយមិត្ត ខែ សីហា ឆ្នាំ ២០២៣ ទំព័រ ៤៩ ។
ការធ្វើតាមព្រះយេស៊ូវជាមួយគ្នា
ខ្ញុំបានជ្រើសរើសដើរលើផ្លូវថ្មីមួយ ហើយដើរតាមព្រះយេស៊ូវគ្រីស្ទពេលខ្ញុំបានទទួលពិធីបុណ្យជ្រមុជទឹក ។ ពិធីបុណ្យជ្រមុជទឹករបស់ខ្ញុំសាមញ្ញ ប៉ុន្តែពោរពេញទៅដោយសេចក្តីរំភើប ហើយខ្ញុំមានអារម្មណ៍ស្រស់ស្រាយ ។ ខ្ញុំចង់បម្រើបេសកកម្មពេញម៉ោង ។
ហេភីនេស ឌី អាយុ ៩ ឆ្នាំមកពីទីក្រុង អាក្រា ប្រទេស ហ្គាណា
ខ្ញុំព្យាយាមធ្វើតាមព្រះយេស៊ូវ ចាប់តាំងពីខ្ញុំបានធ្វើពិធីជ្រមុជទឹក ដោយមានចិត្តល្អចំពោះប្អូនស្រីរបស់ខ្ញុំ ។ ខ្ញុំជួយរុញរទេះរបស់នាង ។ ខ្ញុំមានអារម្មណ៍សប្បាយពេលខ្ញុំមានចិត្តល្អ ហើយខ្ញុំដឹងថាវាធ្វើឲ្យព្រះយេស៊ូវសប្បាយព្រះទ័យផងដែរ ។
ស៊ីម៉ូន ភី អាយុ ៩ ឆ្នាំ មកពីរដ្ឋ ម៉ាស្សាឈូសេត ស.រ.អា.
ខ្ញុំដើរតាមព្រះយេស៊ូវដោយការអធិស្ឋាន ការស្រឡាញ់អ្នកដទៃ និងមានសេចក្តីជំនឿ ។
យ៉ៃលៃ ធី អាយុ ៦ ឆ្នាំ មកពីទីក្រុង ហ្សូមផេងហ្គោ ប្រទេស ម៉ិកស៊ិក
នៅថ្ងៃបុណ្យគ្រីស្ទម៉ាស់ ឪពុកខ្ញុំ និងខ្ញុំបានយកអាហារជូនដល់មនុស្សដែលគ្មានផ្ទះសម្បែង ។ វាសប្បាយណាស់ ! ការធ្វើតាមព្រះយេស៊ូវធ្វើឲ្យខ្ញុំមានអារម្មណ៍សប្បាយរីករាយ ។
អាការី ហ្វេស អាយុ ៩ ឆ្នាំ មកពីទីក្រុង ឈីបា ប្រទេស ជប៉ុន
ខ្ញុំដើរតាមព្រះយេស៊ូវដោយការអានព្រះគម្ពីររបស់ខ្ញុំ និងធ្វើតាមព្រះបញ្ញត្តិរបស់ទ្រង់ ។
លូក ដបុលយូ អាយុ ៩ ឆ្នាំ មកពីរដ្ឋ វ៉ាយអូមីង ស.រ.អា.
ខ្ញុំដើរតាមព្រះយេស៊ូវដោយការស្រឡាញ់គ្រួសារខ្ញុំ ហើយធ្វើជាអ្នកជួយតូចរបស់ម៉ាក់ខ្ញុំ ។
ក្លូអ៊ី ឌី អាយុ ៤ ឆ្នាំ មកពីតំបន់រដ្ឋធានីជាតិ ប្រទេស ហ្វីលីពីន
ពេលណាខ្ញុំអធិស្ឋាន អានព្រះគម្ពីរ ឬធ្វើអ្វីមួយល្អ ខ្ញុំមានអារម្មណ៍សប្បាយចិត្តណាស់ ។ វាហាក់ដូចជាមាននរណាម្នាក់ដែលខ្ញុំស្រឡាញ់ឱបខ្ញុំ ។ ខ្ញុំដឹងថានោះគឺព្រះវិញ្ញាណបរិសុទ្ធ ។
ខៃលីន ឌី អាយុ ៦ ឆ្នាំ មកពីតំបន់រដ្ឋធានីជាតិ ប្រទេស ហ្វីលីពីន
ខ្ញុំមានអារម្មណ៍ពីព្រះវិញ្ញាណបរិសុទ្ធ ពេលខ្ញុំឆ្លងកាត់គ្រាលំបាក ។ វាជួយខ្ញុំឲ្យមានអារម្មណ៍កាន់តែប្រសើរឡើង ។
ហានធឺ អូ អាយុ ៦ ឆ្នាំ មកពីរដ្ឋ ខារ៉ូឡាញណាខាងជើង ស.រ.អា.
ខ្ញុំមានអារម្មណ៍ពីព្រះវិញ្ញាណបរិសុទ្ធពេលខ្ញុំស្ងប់ស្ងាត់ ហើយជ្រើសរើសផ្លូវត្រូវ ។ ពេលខ្ញុំស្ដាប់ម៉ាក់ និងប៉ា ខ្ញុំអាចមានអារម្មណ៍ថាព្រះវិញ្ញាណបរិសុទ្ធនៅជិត ។
អូលីវើរ ប៊ី អាយុ ១០ ឆ្នាំ មកពីរដ្ឋ វ៉ាស៊ីនតោន ស.រ.អា.
ព្រះវិញ្ញាណបរិសុទ្ធធ្វើឲ្យមានអារម្មណ៍កក់ក្តៅ និងរឹងមាំ ។ ព្រះវិញ្ញាណបរិសុទ្ធនៅទីនោះសម្រាប់បងប្អូនរាល់គ្នា នៅពេលដែលបងប្អូនត្រូវការ ដែលចំណុចនេះធ្វើឲ្យវាពិសេសណាស់ ។
អេសៀរ អេ អាយុ ៩ ឆ្នាំ សេនត្រូល ឌីវិសិន ហ្វីជី
ព្រះវិញ្ញាណបរិសុទ្ធធ្វើឲ្យខ្ញុំមានអារម្មណ៍រីករាយ និងរឹងមាំ ។
ហេលី ជី អាយុ ៧ ឆ្នាំ ទីក្រុង សាន់តា គ្រូស ប្រទេស បូលីវី
ពេលខ្ញុំជ្រមុជទឹក ខ្ញុំមានអារម្មណ៍ត្រជាក់ដោយសារទឹក ។ បន្ទាប់មកពេលជ្រមុជទឹកហើយ ខ្ញុំមានអារម្មណ៍កក់ក្ដៅ និងជ្រះស្អាត ។ ដោយបានទទួលពិធីបុណ្យជ្រមុជទឹក គឺខ្ញុំបានបោះជំហានដ៏ធំមួយឆ្ពោះទៅរកព្រះគ្រីស្ទ និងព្រះវរបិតាសួគ៌របស់យើង ។
ម៉ាឡៃឡា អេស អាយុ ៨ ឆ្នាំ មកពីទឹកដី យូខុន ប្រទេស កាណាដា