« សេចក្តីសញ្ញានៃពិធីបុណ្យជ្រមុជទឹករបស់ខ្ញុំ » ប្រិយមិត្ត ខែ សីហា ឆ្នាំ ២០២៣ ទំព័រ ១០–១១ ។
សេចក្តីសញ្ញានៃពិធីបុណ្យជ្រមុជទឹករបស់ខ្ញុំ
សេចក្តីសញ្ញាគឺជាការសន្យាដែលយើងធ្វើជាមួយព្រះវរបិតាសួគ៌ ។ សូមអានអំពីសេចក្តីសន្យាបីដែលយើងសន្យាថានឹងធ្វើ នៅពេលយើងទទួលបុណ្យជ្រមុជទឹក ។ បន្ទាប់មកសរសេរអំពីអ្វីដែលអ្នកអាចធ្វើបាន ដើម្បីរក្សាសេចក្ដីសញ្ញានៃពិធីបុណ្យជ្រមុជទឹករបស់អ្នក !
សូមចងចាំព្រះយេស៊ូវគ្រីស្ទជានិច្ច
« ចងចាំទ្រង់ជានិច្ច » ( មរ៉ូណៃ ៤:៣ ) ។
នៅពេលអេលីណា បានឃើញអ្នកដទៃកាចដាក់នរណាម្នាក់ នាងបានគិតអំពីអ្វីដែលព្រះយេស៊ូវនឹងធ្វើ ។
របៀបដែលខ្ញុំអាចចងចាំព្រះយេស៊ូវ ៖ __________
កាន់តាមព្រះបញ្ញត្តិទាំងឡាយរបស់ទ្រង់
« កាន់តាមព្រះបញ្ញត្តិទាំងឡាយរបស់ទ្រង់ » ( មរ៉ូណៃ ៤:៣ ) ។
ជេមស៍បានជ្រើសរើសមិនមើលវីដេអូមួយដែលប្រើពាក្យសម្ដី និងរូបភាពមិនល្អ ។
ព្រះបញ្ញត្តិមួយដែលខ្ញុំអាចកាន់តាម ៖ __________
ចូរលើកដាក់ព្រះនាមទ្រង់មកលើអ្នក
« លើកដាក់មកលើ [ ខ្លួនអ្នក ] នូវព្រះនាមនៃ [ ព្រះយេស៊ូវគ្រីស្ទ ] » ( មរ៉ូណៃ ៤:៣ ) ។
ណាណា បានប្រាប់មិត្តរបស់នាងថា នាងជាសមាជិកនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។
អត្ថន័យនៃការលើកដាក់ព្រះនាមនៃទ្រង់មកលើយើង ៖ __________
ការរក្សាសេចក្ដីសញ្ញារបស់ខ្ញុំ
នេះគឺជាវិធីមួយចំនួនទៀតដែលអ្នកអាចរក្សាសេចក្ដីសញ្ញានៃពិធីបុណ្យជ្រមុជទឹករបស់អ្នក ។
ការជួយមនុស្ស
« ទទួលបន្ទុកគ្នាទៅវិញទៅមក ដើម្បីឲ្យបន្ទុកនោះបានស្រាល » ( ម៉ូសាយ ១៨:៨ ) ។
អាគីយ៉ូ បានជួយប្អូនប្រុសរបស់គាត់ជាមួយនឹងលំហាត់គណិតវិទ្យារបស់គាត់ ។
មនុស្សដែលខ្ញុំអាចជួយបាន ៖ __________
ចូរប្រែចិត្តពេលអ្នកធ្វើខុស
« ត្រូវតែប្រែចិត្ត ហើយកើតម្ដងទៀត » ( អាល់ម៉ា ៥:៤៩ ) ។
បន្ទាប់ពីអ៊ីសា បាននិយាយអ្វីមួយដែលមិនល្អទៅកាន់បងស្រីរបស់នាង នាងបានអធិស្ឋានទៅព្រះវរបិតាសួគ៌ ។ បន្ទាប់មកនាងបានសុំឲ្យបងស្រីរបស់នាងអភ័យទោសដល់នាង ។
របៀបដែលខ្ញុំអាចប្រែចិត្ត ៖ __________
លួងលោមអ្នកដទៃ
« កម្សាន្ដទុក្ខដល់អស់អ្នកណា [ ដែល ] កំពុងត្រូវការកម្សាន្ដទុក្ខ » ( ម៉ូសាយ ១៨:៩ ) ។
លូកាស បានទៅសួរសុខទុក្ខមិត្តរបស់គាត់ដែលលោកតារបស់គេបានទទួលមរណភាព ។
របៀបដែលខ្ញុំអាចលួងលោមនរណាម្នាក់ ៖ _____
រចនារូបភាពដោយ ខេលី ស្ម៊ីធ