« ព្រះយេស៊ូវបានបង្ហាញផ្លូវដល់យើង » ប្រិយមិត្ត ខែ សីហា ឆ្នាំ ២០២៣ ទំព័រ ៤–៥ ។
ព្រះយេស៊ូវបានបង្ហាញផ្លូវដល់យើង
រចនារូបភាពដោយ ដេន ប៊ើរ
ព្រះយេស៊ូវគ្រីស្ទគឺជាព្រះរាជបុត្រារបស់ព្រះវរបិតាសួគ៌ ។ ទ្រង់បានយាងមកផែនដី ដើម្បីបង្ហាញយើងពីរបៀបដែលយើងអាចត្រឡប់ទៅរកព្រះវរបិតាសួគ៌វិញនៅថ្ងៃណាមួយ ។ ព្រះយេស៊ូវបានទទួលបុណ្យជ្រមុជទឹក ។ ទ្រង់បានបង្រៀនថា យើងគួរតែទទួលពិធីបុណ្យជ្រមុជទឹកផងដែរ ។
ព្រះយេស៊ូវបានបង្ហាញយើងពីរបៀបរស់នៅ ។ ទ្រង់ស្រឡាញ់ និងជួយមនុស្សគ្រប់រូប ។ ទ្រង់ចង់ឲ្យយើងធ្វើតាមទ្រង់ ។
ព្រះយេស៊ូវជ្រាបដឹងពីអារម្មណ៍ឈឺចាប់របស់យើងទាំងអស់គ្នា ហើយបានរងទុក្ខវេទនាសម្រាប់អំពើបាបរបស់យើង ។ បន្ទាប់មកទ្រង់បានសុគតជំនួសយើង ។ រឿងនេះត្រូវបានហៅថាដង្វាយធួនរបស់ព្រះយេស៊ូវគ្រីស្ទ ។ ទ្រង់បានមានព្រះជន្មរស់ឡើងវិញ ។ នោះមានន័យថាទ្រង់មានព្រះជន្មរស់នៅសព្វថ្ងៃនេះ ! ដោយសារព្រះយេស៊ូវគ្រីស្ទ នោះយើងក៏នឹងរស់ឡើងវិញម្ដងទៀតផងដែរបន្ទាប់ពីស្លាប់ ។
ព្រះយេស៊ូវបានធ្វើកិច្ចការទាំងអស់នេះសម្រាប់យើង ពីព្រោះទ្រង់ស្រឡាញ់យើង ។ ដោយសារទ្រង់ នោះយើងអាចរស់នៅក្នុងស្ថានសួគ៌ជាមួយក្រុមគ្រួសាររបស់យើងនៅថ្ងៃណាមួយ ។
យើងអាចធ្វើតាមព្រះយេស៊ូវតាមរយៈការទទួលពិធីបុណ្យជ្រមុជទឹក ។ យើងក៏អាចធ្វើតាមទ្រង់ជារៀងរាល់ថ្ងៃ នៅពេលយើងស្រឡាញ់ និងជួយអ្នកដទៃ ហើយរក្សាបទបញ្ញត្តិរបស់ទ្រង់ ។