Jezu Krishti Shëroi një Burrë

Hiqe këtë faqe dhe palose në gjysmë. Pastaj mbaje figurën lart ndërkohë që tregon historinë.

Një ditë, Jezu Krishti pa një burrë që ishte i verbër. Disa njerëz menduan se Perëndia e bëri burrin të verbër për ta ndëshkuar atë. “A mëkatoi ky njeri? Apo mëkatuan prindërit e tij?” – pyetën ata.

Jezusi tha se verbëria e burrit nuk ishte një ndëshkim. “As ai, as prindërit e tij s’kanë mëkatuar”, – tha Ai.

Jezusi vuri ca baltë mbi sytë e burrit. Më pas Ai i tha burrit të lahej në një pellg me ujë. Kur burri bëri atë që i tha Jezusi, ai u shërua! Burri mundi të shihte.

Nganjëherë na ndodhin gjëra të vështira. Jezu Krishti dhe Ati Qiellor mund të na ndihmojnë të mësojmë, të rritemi e të kemi paqe. Ata na duan dhe dëshirojnë të na bekojnë!