សកម្មភាព « ចូរមកតាមខ្ញុំ ទស្សនាវដ្តីប្រិយមិត្ត ខែ មីនា ឆ្នាំ ២០២៤ ទំព័រ ២៨–២៩ ។
សកម្មភាព ចូរមកតាមខ្ញុំ
សម្រាប់រាត្រីជួបជុំក្រុមគ្រួសារ ឬការសិក្សាព្រះគម្ពីរ—ឬគ្រាន់តែសម្រាប់ភាពរីករាយ !
ថ្ងៃទី ២៦ ខែ កុម្ភៈ–ថ្ងៃទី ៣ ខែ មីនា
ព្រះវិហារបរិសុទ្ធក្រដាស
សម្រាប់ នីហ្វៃទី ២ ១១–១៩
អេសាយបានបង្រៀនថា ព្រះវិហារបរិសុទ្ធគឺជាកន្លែងពិសេសដែលយើងរៀនអំពីព្រះវរបិតាសួគ៌ និងព្រះយេស៊ូវគ្រីស្ទ ( សូមមើល នីហ្វៃទី ២ ១២:៣ ) ។ សូមធ្វើព្រះវិហារបរិសុទ្ធដោយខ្លួនឯង ! បត់ក្រដាសមួយទៅជាបីបំណែក ។ កាត់ចុងម្ខាងទៅជាត្រីកោណ ។ លាតក្រដាស ហើយគូរខ្លួនឯងនៅចំកណ្តាល ។
ថ្ងៃទី ៤–១០ ខែ មីនា
ទីបន្ទាល់ការច្រៀង
សម្រាប់ នីហ្វៃទី ២ ២០–២៥
អេសាយបានចែកចាយទីបន្ទាល់របស់លោកអំពីព្រះយេស៊ូវគ្រីស្ទ ។ លោកបាននិយាយថា ព្រះយេស៊ូវគឺជាកម្លាំងរបស់លោក និងជាចម្រៀងរបស់លោក ( សូមមើល នីហ្វៃទី ២ ២២:២ ) ។ តើចម្រៀងអំពីព្រះយេស៊ូវមួយណាដែលអ្នកចូលចិត្ត ? សូមនិយាយអំពីមូលហេតុដែលអ្នកស្រឡាញ់ចម្រៀងទាំងនោះ ។ បន្ទាប់មកច្រៀងចម្រៀងទាំងនោះជាមួយគ្នា !
ថ្ងៃទី ១១–១៧ ខែ មីនា
រឿងនិទានមួយបន្ទាត់ម្តងៗ
សម្រាប់ នីហ្វៃទី ២ ២៦–៣០
ព្រះវរបិតាសួគ៌ជួយយើងឲ្យរៀន « មួយបន្ទាត់ម្តងៗ » ឬឯណេះបន្តិច ឯណោះបន្តិច ( នីហ្វៃទី ២ ២៨:៣០ ) ។ សូមប្រាប់អំពីរឿងព្រះគម្ពីរដែលចូលចិត្តមួយបន្ទាត់ម្តងៗ ជាមួយគ្នា ! មនុស្សគ្រប់គ្នាដាក់វេនគ្នានិយាយប្រយោគមួយនៃរឿងនេះរហូតដល់រឿងនេះចប់ ។
ថ្ងៃទី ១៨–២៤ ខែ មីនា
ជំហានដើម្បីដើរតាមព្រះយេស៊ូវ
សម្រាប់ នីហ្វៃទី ២ ៣១–៣៣
នីហ្វៃបានបង្រៀនថាយើងដើរតាមព្រះយេស៊ូវគ្រីស្ទនៅពេលយើងមានជំនឿទៅលើទ្រង់ ប្រែចិត្ត ទទួលពិធីបុណ្យជ្រមុជទឹក ទទួលអំណោយទាននៃព្រះវិញ្ញាណបរិសុទ្ធ ហើយត្រូវកាន់ខ្ជាប់ដរាបដល់ចុងបំផុត ( សូមមើល នីហ្វៃទី ២ ៣១ ) ។ សូមសរសេរជំហាននីមួយៗនៅលើក្រដាសផ្សេងគ្នា បន្ទាប់មករាយវានៅលើកម្រាលឥដ្ឋ ។ បុគ្គលម្នាក់បិទភ្នែក ហើយរាប់ដល់ ១០ ខណៈពេលដែលអ្នកផ្សេងទៀតឈរលើក្រដាស ។ បន្ទាប់មក បុគ្គលដែលបានរាប់និយាយអំពីជំហានមួយនៅក្នុងចំណោមជំហានទាំងនោះដើម្បីដើរតាមព្រះយេស៊ូវ ។ បុគ្គលដែលឈរនៅលើក្រដាសនោះ រាប់បន្ទាប់ទៀត ។
ថ្ងៃទី ២៥–៣១ ខែ មីនា
ផ្កាលីលីសម្រាប់បុណ្យអ៊ីស្ទើរ
សម្រាប់បុណ្យអ៊ីស្ទើរ
ដោយសារព្រះយេស៊ូវគ្រីស្ទ នោះយើងនឹងរស់ម្ដងទៀតបន្ទាប់ពីយើងស្លាប់ ( សូមមើល អាលម៉ា ៤០:២២-២៥ ) ។ ធ្វើសិប្បកម្មផ្កាលីលីសម្រាប់បុណ្យអ៊ីស្ទើរនៅលើ ទំព័រ ១៧ ។ សូមដាក់ផ្កាលីលីនៅកន្លែងណាដែលក្រុមគ្រួសាររបស់អ្នកអាចមើលឃើញផ្កាទាំងនោះ ដើម្បីជួយអ្នកឲ្យចងចាំដល់ព្រះសង្រ្គោះនៅសប្តាហ៍នេះ ។
រចនារូបភាពដោយ ខាធី ដុកគ្រីល