Kumusta gikan sa Vanuatu!

Magkat-on mahitungod sa mga anak sa Langitnong Amahan sa tibuok kalibotan.

Ang Vanuatu usa ka tropikal nga isla nga nasod sa Kadagatan sa Pasipiko. Sobra sa 300 ka libo ka tawo ang nagpuyo didto!

Pinulongan

Bislama, English ug French ang opisyal nga mga pinulongan. Hapit tanang tawo mosulti og Bislama!

Tangkyu.

Kana nagpasabot og “salamat” sa Bislama!

Ang Basahon ni Mormon

Ang Basahon ni Mormon nahubad sa Bislama kaniadtong 2004. Sukad niana, mga 8,000 nga dugang nga katawhan ang mipasakop sa Simbahan sa Vanuatu!

Tropikal nga Isla

Ang Vanuatu nailhan sa iyang maanindot nga mga dagat ug tin-aw nga asul nga tubig. Ang pipila sa mga dagat gani adunay itom nga balas!

Mabulokon nga Kwarta

Ang Vanuatu adunay sinaw nga mabulokon nga kwarta nga nagpakita sa mga eksena gikan sa kinabuhi diha sa mga isla ug mga tanom ug mga hayop nga nagpuyo didto.

Kalihokan

Bulak nga mga Korona

Alang sa mga pasundayag ug mga seremonya, ang katawhan sa Vanuatu magsul-ob og mabulokon nga bulak nga mga korona.

Guntinga ang mabulokon nga papel ngadto sa bulak nga mga porma. Paghimo og gamay nga lungag sa tunga sa matag bulak. Paggunting og lambo nga igo ang gitas-on aron nga ibalikos sa imong ulo. Itahi ang papel nga mga bulak ngadto sa lambo. Dayon ihigot ang matag tumoy sa lambo. Ang imong korona andam na sa pagsul-ob!

Risipi

Lubi nga Cake

Ang lubi nga cake usa ka sikat nga kan-onon sa Vanuatu. Ania ang usa ka risipi nga mahimo nimong sulayan!

1. Gamit ang pangkutaw [whisk] isagol ang ½ tasa nga asukar ug ¾ tasang tinunaw nga mantekilya diha sa panaksan.

2. Dugangi og 2 ka itlog ug sagola.

3. Isagol ang ½ tasa nga harina, 1 ka tasa nga kinagod nga lubi, ug 1 ka kutsarita nga baking powder.

4. Ibu-bo ngadto sa usa ka lingin nga gipahiran og manteka nga cake pan ug lutoa sulod sa 20 minutos sa 300°F (150°C).

Seguroha nga makapangayo og tabang sa usa ka hamtong!

Mga paghulagway pinaagi ni Anna Oldroyd