Mga Sukaranan sa Ebanghelyo

Unsa Ang Bunyag ug Pagkompirma?

Mga paghulagway pinaagi ni Apryl Stott

Si Jesukristo gibunyagan. Human nga mag-otso anyos ka, mahimo ka usab nga mabunyagan!

Kon bunyagan ka, ang imong tibuok lawas itiglom sa tubig. Kini nagpahinumdom kanato nga ang mga sala ug dili maayo nga mga pagpili mahimong mahugasan tungod ni Jesukristo.

Ikaw mosaad sa Langitnong Amahan nga buhaton nimo ang labing maayo aron sundon ang Iyang mga sugo.

Human sa bunyag mosunod ang pagkompirma. Kini mao ang panahon nga imong madawat ang gasa sa Espiritu Santo. Kana nagpasabot nga ang Espiritu Santo makauban nimo sa kanunay! Siya motabang nimo nga makasunod sa ehemplo ni Jesus.