Gahom pinaagi sa Templo

Ni Presidente Russell M. Nelson

Kinuha gikan sa “Magmaya sa Gasa sa mga Yawe sa Pagkapari,” Liahona, Mayo 2024, 119–21.

Niadtong Marso, Ang Simbahan ni Jesukristo sa mga Santos sa Ulahing mga Adlaw mipalit sa Kirtland Temple. Kini nga templo importante nga bahin sa pagpahiuli sa ebanghelyo ni Jesukristo.

Niadtong Abril 3, 1836, nagpakita si Jesukristo ngadto nila ni Propeta Joseph Smith ug ni Oliver Cowdery didto sa Kirtland Temple. Ang Manluluwas midawat sa templo isip Iyang balay. Dayon Siya misaad, “Ako magpakita sa akong kaugalingon ngadto sa akong katawhan diha sa kaluoy dinhi niini nga balay” (Doktrina ug mga Pakigsaad 110:7). Kini nga saad magamit sa matag templo karon.

Sa templo, makadawat kamo og mga tubag sa pag-ampo. Makadawat usab kamo og hugot nga pagtuo, kalig-on, kahupayan, kahibalo ug gahom. Ang panahon sulod sa templo motabang ninyo nga maghunahuna og celestial ug sa pagsabot kinsa gayod kamo ug kinsa kamo mamahimo. Motabang kini ninyo nga makasabot sa unsa nga paagi kamo mohaom sa talagsaong plano sa Dios. Mosaad ko kaninyo niana.

Kirtland Temple

Kalihokan sa Paggunting

Guntinga ang mga ngilit sa Kirtland Temple. Dayon pil-a subay sa tuldok-tuldok nga mga linya ug i-tape ang mga kilid ug ang atop.

Unsa ang Kirtland Temple?

Ang Kirtland Temple gitukod didto sa Kirtland, Ohio, USA, niadtong 1836. Mao kini ang unang templo sa gipahiuli nga Simbahan.

Unya, ang mga miyembro sa Simbahan kinahanglan mobiya niini aron mobalhin ngadto sa kasadpan. Laing simbahan ang miatiman sa bilding sulod sa daghang tuig. Bag-ohay lang, Ang Simbahan ni Jesukristo sa mga Santos sa Ulahing mga Adlaw mipalit sa templo.